அடுத்த பிளாக் பஸ்டர் ரெடி...வெங்கட் பிரபுவின் அடுத்த ஹீரோ யாருன்னு தெரியுமா?

பிளாக்பஸ்டர் மாநாடு

கடந்த ஆண்டு சிம்புவை வைத்து இயக்கிய மாநாடு படம் மிகப் பெரிய பிளாக் பஸ்டர் படமாக அமைந்தது. டைம் லூப்பை மையமாகக் கொண்ட இந்த படம் 100 கோடி வசூல், 100 வது நாள் என ரசிகர்களால் பெரிய அளவில் கொண்டாடப்பட்ட படமாக அமைந்தது. இதைத் தொடர்ந்து ரொமான்டிக் படமாக இவர் இயக்கிய மன்மத லீலை படமும் ரசிகர்களிடம் நல்ல வரவேற்பை பெற்றது.

வெங்கட் பிரபுவின் அடுத்த படம்

அடுத்தடுத்து இரண்டு வெற்றி படங்களைக் கொடுத்த வெங்கட் பிரபு, தற்போது தெலுங்கு படம் ஒன்றை இயக்கி உள்ளார். இதை முடித்த கையோடு, மீண்டும் மெகா பட்ஜெட் தமிழ் படம் ஒன்றை இயக்க போகிறாராம். இதற்காக டாப் ஹீரோ ஒருவரிடம் கதை சொல்லி ஓகே வாங்கி விட்டாராம் வெங்கட் பிரபு. இந்த படத்தின் ப்ரீ ப்ரொடக்ஷன் வேலைகளை சீக்கிரம் துவங்க போகிறாராம்.

அடுத்த ஹீரோ இவரா

அப்படி வெங்கட் பிரபு அடுத்ததாக இயக்க போவது வேறு யாரையும் அல்ல. சிவகார்த்திகேயனை தான். வெங்கட் பிரபு - சிவகார்த்திகேயன் இணையும் இந்த படத்தை ஏஜிஎஸ் என்டர்டைன்மென்ட் நிறுவனம் தயாரிக்க போகிறதாம். வெங்கட் பிரபு மற்றும் சிவகார்த்திகேயன் தற்போது கமிட்டாகி உள்ள படங்களின் வேலைகளை முடித்த பிறகு 2023 ம் ஆண்டின் துவக்கத்தில் இவர்கள் இணையும் புதிய படத்தின் ஷுட்டிங் ஆரம்பிக்கப்பட உள்ளதாம்.

இத்தனை படங்கள் வெயிட்டிங்கா

சிவகார்த்திகேயன் நடித்துள்ள அயலான் படம் இந்த ஆண்டு இறுதியில் ரிலீஸ் செய்யப்பட உள்ளது. தற்போது தமிழ், தெலுங்கில் உருவாகி வரும் எஸ்கே 20 படத்தில் நடத்து வருகிறார் சிவகார்த்திகேயன். இந்த படத்தின் ஷுட்டிங்கும் கிட்டத்தட்ட இறுதிக்கட்டத்தை நெருங்கி வருகிறதாம். இதைத் தொடர்ந்து ராஜ்கமல் ஃபிலிம்ஸ் இன்டர்நேஷனல் தயாரிக்கும் எஸ்கே21 படத்தில் நடிக்க சிவகார்த்திகேயன் கமிட்டாகி உள்ளார். இந்த படங்களை முடித்த பிறகு வெங்கட் பிரபு படத்தில் இணைய உள்ளார் சிவகார்த்திகேயன்.