தனுஷே சூப்பர்ஸ்டாருன்னு சொன்ன அந்த ஒரு நடிகர்...வெற்றிமாறன் சொன்ன செம மேட்டர்

வடசென்னை 2 எப்போ

ஆடியோ வெளியீட்டு விழாவில் இயக்குநர்கள் வெற்றிமாறன், செல்வராகவன் உள்ளிட்ட பலரும் கலந்து கொண்டனர். நடிகர் மிர்ச்சி சிவா இந்நிகழ்வை தொகுத்து வழங்கினார். நிகழ்ச்சியில் பேசிய இயக்குநர் வெற்றிமாறன் வாடிவாசல், விடுதலை ஆகிய படங்கள் முடிந்த பிறகு வடசென்னை 2 ஆம் பாகத்தை எடுக்கவுள்ளதாக தெரிவித்தார்.

தனுஷ் - சிவகார்த்திகேயன் உறவு

மேலும் இந்நிகழ்வில் சிவகார்த்திகேயன் குறித்து தனுஷ் தெரிவித்த விஷயத்தை வெற்றிமாறன் குறிப்பிட்டார். தனுஷ் உடன் இணைந்து 3 படத்தில் அவரின் நண்பர் கேரக்டரில் நடித்த சிவகார்த்திகேயன், தனுஷ் தயாரித்த முதல் படமான எதிர் நீச்சலில் ஹீரோவாக நடித்தார். இதனைத் தொடர்ந்து சிவகார்த்திகேயன் நடித்த காக்கிச்சட்டை படத்தையும் தனுஷ் தயாரித்தார். இந்த 2 படங்களையும் துரை செந்தில் குமார் இயக்கியிருந்தார். இவர் இயக்குநர் வெற்றிமாறனின் உதவியாளர் ஆவார்.

வெற்றிமாறன் சொன்ன செம தகவல்

எதிர் நீச்சல் படத்திற்காக வெற்றிமாறனை சந்தித்த போது, தனுஷ் உங்கள் உதவியாளர்கள் யாராவது இருந்தால் காமெடி கதை சொல்ல சொல்லுங்கள் என கேட்டார். நான் ஓ காமெடி கதை நடிக்க போறீங்களா என கேட்டேன். அதற்கு எனக்கு இல்லை.சிவகார்த்திகேயனுக்கு என தெரிவித்தார். மேலும் சிவாவுக்கு பயங்கரமான திறமை இருக்கு.சூப்பர் ஸ்டார் ஆவதற்கான எல்லா தகுதியும் இருக்கு என தெரிவித்ததாக வெற்றிமாறன் தெரிவித்தார்.

இவங்களுக்குள்ள இப்படி ஒரு உறவா

காக்கிச்சட்டை படத்தில் இருந்தே தனுஷ், சிவா இடையே மோதல் இருப்பதாக கூறப்பட்ட நிலையில் கடந்த மாதம் தனுஷின் பிறந்தநாளுக்கு சிவகார்த்திகேயன் வாழ்த்து தெரிவித்திருந்தார். இதனால் அவர்களின் பிரச்சினை முடிவுக்கு வந்ததாக கூறப்பட்டது. இப்போது வெற்றிமாறன் பழைய நிகழ்வு ஒன்றை குறிப்பிட்டதைப் பார்த்த ரசிகர்கள் தனுஷ், சிவா இடையேயான உறவு குறித்து நெகிழ்ச்சியான கருத்துகளை தெரிவித்து வருகின்றனர்.