ஜோதிகாவின் கணவராக நடிக்கும் மைனாவின் காதலர்

விதார்த்

தும்ஹாரி சுலு படத்தை ராதா மோகன் இயக்குகிறார். இந்த படத்தில் ஜோதிகாவின் கணவராக விதார்த் நடிக்கிறார். சினிமாவில் ஒரு பிரேக் கிடைக்காமல் போராடும் விதார்த்துக்கு இந்த படம் கை கொடுக்கும் என்று எதிர்பார்க்கப்படுகிறது.

கணவர்

இது வழக்கமான ஹீரோ கதாபாத்திரம் கிடையாது. கதாபாத்திரத்தை புரிந்து கொண்டு நடிக்கும் நடிகரை தேடினோம். தற்போதுள்ள இளம் நடிகர்களில் விதார்த் தான் இந்த கதாபாத்திரத்திற்கு சரியானவர் என்று தேர்வு செய்தோம் என்கிறார் ராதா மோகன்.

ஹீரோயிசம்

ஹீரோயிசம் காட்டாத ஹீரோவை தேடியபோது தான் விதார்த்தை தேர்வு செய்துள்ளனர். நடித்தால் ஹீரோவாக மட்டுமே நடிப்பேன் என்று அடம் பிடிக்காமல் ஹீரோயினுக்கு முக்கியத்துவம் உள்ள படத்தில் நடிக்க ஒப்புக் கொண்டுள்ளார் விதார்த்.

எதிர்பார்ப்பு

குற்றமே தண்டனை, ஒரு கிடாயின் கருணை மனு, குரங்கு பொம்மை ஆகிய படங்களில் சிறப்பாக நடித்திருந்த விதார்த் ஜோதிகாவின் படத்திலும் வித்தியாசமான நடிப்பை வெளிப்படுத்துவார் என்று எதிர்பார்க்கப்படுகிறது.