வன்மம் நிறைந்த ஃபேக் ரிவ்யூஸ்.. மனைவி நயன்தாரா படத்துக்காக வரிந்து கட்டிய விக்னேஷ் சிவன்!

டிரெண்டாகாத நயன்தாரா

நெற்றிக்கண் படத்திற்கு கடைசியாக ப்ரமோஷன் செய்ய பேட்டி அளித்த நயன்தாரா, அதன் பின்னர் எந்தவொரு படத்துக்கும் ப்ரமோஷன் செய்யவே இல்லை. இந்நிலையில், கனெக்ட் படத்துக்காக எக்ஸ்க்ளூசிவ் பேட்டி ஒன்றை கொடுத்திருந்தார். ஆனால், அதுவும் டிரெண்டாகவில்லை. நேற்று முழுவதும் விஷாலின் லத்தி படம் டிரெண்டான அளவுக்கு கூட நயன்தாராவின் கனெக்ட் சோஷியல் மீடியாவில் டிரெண்டாகவில்லை என நெட்டிசன்கள் கலாய்த்து வருகின்றனர்.

கனெக்ட் ஆகவில்லை

இயக்குநர் அஸ்வின் சரவணன் இயக்கத்தில் மாயா படத்திற்கு பிறகு மீண்டும் நயன்தாரா நடித்த கனெக்ட் திரைப்படம் நேற்று திரையரங்குகளில் வெளியானது. சமந்தாவின் யசோதா படம் அளவுக்கு இந்த ஆண்டு நயன்தாராவின் கனெக்ட் படம் ரசிகர்களை ஈர்க்கவில்லை என்றும் தியேட்டருக்கு போன ரசிகர்கள் பலரும் படமா இது என கழுவி ஊற்றி சோஷியல் மீடியாவில் கண்டபடி திட்டி வருகின்றனர்.

டெக்னிக்கல் பிரில்லியண்ட்

அதே சமயம் நயன்தாரா ரசிகர்கள் கனெக்ட் படம் டெக்னிக்கலாக மிரட்டி உள்ளது. இந்த படம் தியேட்டர் மெட்டீரியல் கண்டிப்பாக டிஸ்னி பிளஸ் ஹாட்ஸ்டார் ஓடிடியில் வெளியாகும் வரை வெயிட் செய்ய வேண்டாம், உடனடியாக படத்தை பார்த்து விடுங்க என்றும் படத்திற்கு பாசிட்டிவ் விமர்சனங்களை அளித்து வருகின்றனர்.

கடுப்பான கணவர்

கனெக்ட் படத்தை தயாரித்துள்ள விக்னேஷ் சிவன் தனது மனைவி நடிப்பில் வெளியான கனெக்ட் படத்திற்காக பெரியளவில் ப்ரமோஷன் எல்லாம் செய்து வந்தார். ஆனால், எதிர்பார்த்த அளவுக்கு ரசிகர்கள் மத்தியில் வரவேற்பு கிடைக்கவில்லையே என ரொம்பவே கடுப்பாகி உள்ளார். அதன் வெளிப்பாடு தான் இப்படியொரு ட்வீட் என ரசிகர்கள் கலாய்த்து வருகின்றனர்.

வன்மம் நிறைந்த ஃபேக் ரிவ்யூஸ்

நயன்தாராவின் கனெக்ட் திரைப்படத்திற்கு கலவையான விமர்சனங்கள் குவிந்து வருகின்றன. வசூலும் பெரும் பின்னடவை சந்தித்துள்ளது. இந்நிலையில், விமர்சகர் ஒருவர் ட்வீட்டை ஷேர் செய்து நன்றி கூறிய கனெக்ட் பட தயாரிப்பாளர் விக்னேஷ் சிவன் நன்றி சார்.. வன்மம் நிறைந்த ஃபேக் ரிவ்யூஸ் மற்றும் கமெண்ட்டுகளுக்கு மத்தியில் இப்படியொரு பாசிட்டிவ் விமர்சனத்தை கொடுத்ததற்கு என ட்வீட் போட்டுள்ளார்.

வெரி ஆவரேஜ்

டியர் விக்கி, படம் ரொம்பவே சுமாரான படம். இந்த படத்தை அனைவரும் உங்களை போல கொண்டாட வேண்டும் என நினைக்கக் கூடாது. படம் நல்லா இருந்தா நிச்சயம் பலரும் பாராட்டுவார்கள். இது உங்க படம் என்பதால் தான் நீங்க இப்படி பேசிட்டு இருக்கீங்க என ரசிகர்கள் அவரது ட்வீட்டுக்கு கீழ் ஏகப்பட்ட கமெண்ட்டுகளை போட்டு கழுவி ஊற்றி வருகின்றனர்.

ஒப்பாரி வைக்கிற

மற்றொரு ரசிகர் யாருப்பா நீ.. படம் நல்லா இல்லைன்னு சொன்னா.. வன்மம்னு ஒப்பாரி வச்சிட்டு இருக்க என போட்டோ மீம் போட்டு பங்கமாக கலாய்த்து வருகின்றனர். ஏகே 62 படத்திலும் அஜித்துக்கு ஜோடியா நயன்தாராவை நடிக்க வைத்து அவங்களுக்கு காத்து வாக்குல ரெண்டு காதல் ஹிட் கொடுத்தது போல கொடுங்க விக்கி என்றும் கமெண்ட்டுகள் குவிகின்றன.