பிறந்த நாள் ஸ்பெஷல்.... விஜய் 61 படத் தலைப்பு, ஃபர்ஸ்ட் லுக் நாளை வெளியீடு!

விஜய் பிறந்த நாள்

இப்படத்தின் பர்ஸ்ட் லுக் போஸ்டர் விஜய் பிறந்தநாளான ஜுன் 22-ந் தேதி வெளிவரும் என படக் குழுவினர் முன்பு அதிகாரப்பூர்வமாக அறிவித்திருந்தனர். இந்நிலையில், பர்ஸ்ட் லுக் போஸ்டர் ரிலீஸை ஒரு நாள் முன்பாகவே, விஜய் பிறந்த நாளையொட்டி வெளியிடப் போவதாக அறிவித்துள்ளனர்.

நாளை

அதன்படி, நாளை (ஜுன் 21) மாலை 6 மணிக்கு பர்ஸ்ட் லுக் போஸ்டர் மற்றும் தலைப்பு வெளியாகவுள்ளது. ஒரு நாள் முன்பாகவே விஜய் பிறந்த நாளை ரசிகர்கள் கொண்டாட வசதியாக ஸ்ரீதேனாண்டாள் பிலிம்ஸ் நிறுவனம் இந்த ஏற்பாட்டைச் செய்துள்ளது.

100 வது படம்

இந்தப் படம் தேனாண்டாள் நிறுவனத்துக்கு 100-வது படமாகும். ஏ.ஆர்.ரஹ்மான் இசையமைக்கும் இப்படம் தமிழ், தெலுங்கு என இரு மொழிகளில் ஒரே சமயத்தில் உருவாகி வருகிறது

அக்டோபர் ரிலீஸ்

வரும் அக்டோபர் மாதம் உலகம் முழுவதும் பிரமாண்டமாக இந்தப் படத்தை வெளியிடத் திட்டமிட்டுள்ளனர். தேனாண்டாள் நிறுவனத்துக்காக முரளி ராமசாமி இப்படத்தைத் தயாரிக்கிறார்.