சிம்பு தேவன் படத்தில் 3 அடி உயர விஜய்... சீனாவில் படப்பிடிப்பு!

பாடல்கள்

அடுத்தகட்ட படப்பிடிப்பாக இரண்டு பாடல் காட்சிகள் ஏப்ரல் 30ம் தேதிக்கு பிறகு படமாக்கப்பட உள்ளன. ஒரு பாடல் ஹான்சிகாவுடனும், மற்றொரு பாடல் ஸ்ருதி ஹாசனுடனும் படமாக்கப்பட உள்ளது. இதற்காக சீனா அல்லது கம்போடியா செல்லும் திட்டத்தில் உள்ளனர்.

சீனாவில் கடுங்குளிர்

படத்தின் தயாரிப்பாளர்களில் ஒருவரான ஷிபு தமீன்ஸும், கலை இயக்குநர் முத்துராஜும் சீனா சென்று இடங்களை தேர்வு செய்ய சென்றுவிட்டு திரும்பியுள்ளனர். சீனாவில் அதிக குளிர் என்பதால் படப்பிடிப்புக்கு அது ஏற்றதல்ல என தெரிவிக்க தற்போது கம்போடியா என முடிவாகியுள்ளது.

அங்கோர்வாட் ஆலயத்தில்

கம்போடியாவில் இரண்டாம் சூரியவர்மான் கட்டிய அங்கோர்வாட் கோவிலில் படப்பிடிப்பு நடத்தலாம் என திட்டமிட்டுள்ளதாகக் கூறப்படுகிறது. அதே சமயம் சென்னையிலும் பிரம்மாண்ட செட் அமைத்து படப்படிப்பு நடத்தும் எண்ணத்திலும் படக்குழு இருப்பதாக நெருங்கிய வட்டாரங்கள் தெரிவித்துள்ளன.

விஜய் பிறந்த நாளில்

மே மாதத்துக்குள் படத்தை முடித்துவிட்டு, ஜூன் 22-ம் தேதி விஜய் பிறந்த நாளில் படத்தை வெளியிடத் திட்டமிட்டுள்ளனர்.