கசிந்தது 'புலி' விஜய் போட்டோ: அதிர்ச்சியில் இளையதளபதி, படக்குழு

புலி போட்டோ

புலி படத்தில் விஜய் ஒன்றுக்கும் மேற்பட்ட கெட்டப்புகளில் வருகிறாராம். இதனால் படப்பிடிப்பு தளத்தில் எடுக்கப்படும் புகைப்படங்களை கூட வெளியிடாமல் ரகசியமாக வைத்துள்ளனர் படக்குழுவினர்.

கசிந்தது

புலி படக்குழுவினர் பொத்தி பொத்தி வைத்த புகைபடத்தில் ஒன்று இணையதளத்தில் கசிந்துவிட்டது. படப்பிடிப்பு தளத்தில் விஜய் நடந்து வருவது போன்ற அந்த புகைப்படம் எப்படியோ கசிந்துள்ளது.

அதிர்ச்சி

விஜய்யின் புகைப்படம் கசிந்துள்ளது பற்றி அறிந்து சிம்புதேவன் மற்றும் படக்குழுவினர் கடும் அதிர்ச்சி அடைந்துள்ளனர். இந்த புகைப்பட கசிவால் விஜய்யும் அதிர்ச்சியும், கோபமும் அடைந்துள்ளாராம்.

எப்படி

நாம் யாருக்கும் தெரியாமல் ரகசியமாக வைத்துள்ள போதிலும் இந்த புகைப்படம் எப்படி இணையதளத்தில் வெளியானது என்பது குறித்து படக்குழுவினர் விசாரணை நடத்தி வருகிறார்களாம். படக்குழு இருக்கும் நிலையை பார்த்தால் புகைப்படத்தை கசியவிட்ட ஆசாமி சிக்கினால் சட்னி தான்.

விதியுலேகா ராமன்

ஃபர்ஸ்ட் லுக்கை வெளியிட திட்டமிட்டிருந்தனர். 6 மாதங்களாக நாங்கள் பாதுகாத்து வந்த நிலையில் கடைசி நிமிடத்தில் புகைப்படம் கசிந்துள்ளதை நினைத்து இதயம் கனக்கிறது என்று புலி படத்தில் நடித்து வரும் விதியுலேகா ராமன் ட்விட்டரில் தெரிவித்துள்ளார்.