தமிழ்
    twitter
    For Quick Alerts
    ALLOW NOTIFICATIONS  
    For Daily Alerts
    Must Watch

    Don't Miss!

      bredcrumb

      Beast Review LIVE: நடிகர் விஜய்யின் பீஸ்ட் படம் எப்படி இருக்கு? லைவ் விமர்சனம் இதோ!

      By
      |

      சென்னை: சன் பிக்சர்ஸ் தயாரிப்பில் இயக்குநர் நெல்சன் இயக்கத்தில் விஜய், பூஜா ஹெக்டே நடிப்பில் உருவாகி உள்ள பீஸ்ட் திரைப்படம் திரையரங்குகளில் வெளியானது.

      சென்னையில் உள்ள பிரபல ஷாப்பிங் மால் ஒன்றை பயங்கரவாதிகள் ஹைஜாக் செய்ய அதில் இருக்கும் மக்களை காப்பாற்ற வீரராகவன் எடுக்கும் முயற்சிகள் தான் பீஸ்ட் படத்தின் கதை என டிரைலர் சொல்லிய நிலையில், படத்தை பார்க்க ரசிகர்கள் அதிகாலை முதலே ஆர்வம் காட்டி வருகின்றனர்.

      கட் அவுட்களுக்கு பாலாபிஷேகம், தியேட்டர்களில் டிஜே மற்றும் பட்டாசு வெடித்து விஜய் ரசிகர்கள் வெறித்தனமாக பீஸ்ட் படத்தை பார்த்து வருகின்றனர்.

      Vijay’s Beast Movie LIVE Updates: Reviews, Celebrations, Box Office Collection

      Apr 13, 2022 3:56 PM

      தாம்பரம் நேஷ்னல் திரையரங்கில் பீஸ்ட் படம் பார்க்க பைக்கில் வந்த 100 பேருக்கு 1லிட்டர் பெட்ரோல் வழங்கிய விஜய் ரசிகர்கள்

      Apr 13, 2022 3:51 PM

      தலைமை செயலகத்தில் விஜய்...கட் அவுட் மூலம் வம்பிழுக்கும் விஜய் ரசிகர்கள்

      Apr 13, 2022 3:48 PM

      மயிலாடுதுறையில் நடிகர் விஜய் நடிப்பில் வெளியான பீஸ்ட் திரைப்படத்துக்கு தலைமைச் செயலகத்தில் நடிகர் விஜய் இருப்பதைப் போன்று கட்-அவுட் அமைத்து மகிழ்ந்த விஜய் மக்கள் இயக்கத்தினர்.

      Apr 13, 2022 1:59 PM

      திருச்சியில் நெகிழ்ச்சி

      50க்கும் மேற்பட்ட ஆதரவற்ற குழந்தைகளை திரையரங்குக்கு அழைத்து வந்து படம் பார்க்க வைத்துள்ளார் விஜய் மக்கள் இயக்கம் முன்னாள் தலைவர் ஆர்.கே.ராஜா அவர்களுக்கு குளிர்பானம் , ஸ்நாக்ஸ் வாங்கி கொடுத்து அவர்களை மகிழ்வித்துள்ளார்

      Apr 13, 2022 1:40 PM

      நாகர்கோவில் உள்ள திரையரங்கில் அரபி குத்து பாடல் காட்சிக்கு செம ஆட்டம். திரையைக் கிழித்து அரபிக் குத்து போட்ட விஜய் ரசிகர்களால் திரையரங்கில் பரபரப்பு.

      Apr 13, 2022 1:16 PM

      மக்கள் கூட்டம்

      ஈரோட்டில் உள்ள அபிராமி திரையரங்கு முன்பு இளைஞர்கள், பெண்கள் என மக்கள் கூட்டம் பீஸ்ட் படத்தை பார்ப்பதற்காக கூடிய காட்சிகள் அதிகளவில் பரவி வருகிறது.

      Apr 13, 2022 12:55 PM

      பதிலடி

      விஜய் ஹேட்டர்களுக்கு சரியான பதிலடியாக பீஸ்ட் திரைப்படம் உள்ளது. படம் போரடிக்காமல் செம என்கேஜிங்காக உள்ளது. ரசிகர்கள் கைதட்டி ரசித்து சிரித்து பார்க்க ஏகப்பட்ட காட்சிகள் உள்ளன. பீஸ்ட் பிளாக்பஸ்டர் தான் என விஜய் ரசிகர்கள் ட்ரோல்களுக்கு பதிலடி கொடுத்து வருகின்றனர்.

      Apr 13, 2022 12:54 PM

      இலங்கையில் பீஸ்ட் கொண்டாட்டம்

      இலங்கை கொழும்பு நகர்ல மட்டும் 50+ தியேட்டர்ல #பீஸ்ட் வெளியாகி இருக்கு. கடுமையான பொருளாதார சூழல்லயும் houseful shows தான் என தகவல்கள் வெளியாகி உள்ளன.

      Apr 13, 2022 12:26 PM

      பீஸ்ட் மீம்ஸ் தெறிக்குது

      ”பீஸ்ட் படம் எப்படி இருக்கு? விஜய் அண்ணா டான்ஸ் செமயா இருக்கு.. இதற்கு இது பதில் இல்லையே” என மீம் போட்டு அஜித் ரசிகர்கள் விஜய் ரசிகர்களை வெறுப்பேற்றி வருகின்றனர்.

      Apr 13, 2022 12:17 PM

      ரசிகர்களுக்கு சரியான ட்ரீட்

      விமர்சனங்களை விட்டுத் தள்ளி விட்டு தியேட்டரில் பீஸ்ட் படத்தை கண்டு ரசியுங்கள். தளபதியை ரசிச்சு செதுக்கி இருக்கிறார் நெல்சன். ஆக்‌ஷன், காமெடி எல்லாம் பின்னி பெடல் எடுத்துள்ளார். ரசிகர்களுக்கு சரியான ட்ரீட் என இந்த ரசிகர் கருத்து தெரிவித்துள்ளார்.

      Apr 13, 2022 11:33 AM

      நெல்சன் உங்க நேரம் ஸ்டார்ட் ஆகிடுச்சு

      இயக்குநர் வெங்கட் பிரபு தனது ட்விட்டர் பக்கத்தில், இயக்குநர் நெல்சனை பாராட்டி உள்ளார். உங்க டைம் ஸ்டார்ட் ஆகிடுச்சு நெல்சன். தளபதி விஜய் அண்ணாவை ஸ்க்ரீனில் பார்க்க ஆவலுடன் காத்திருக்கிறேன். மெகா பிளாக்பஸ்டர் ஹிட் அடிக்க வாழ்த்துக்கள் என ட்வீட் போட்டுள்ளார்.

      Apr 13, 2022 11:32 AM

      தமிழ் சினிமா முன்னேறாது

      இயக்குநர் ராஜமெளலி இயக்கத்தில் வெளியான ஆர்ஆர்ஆர் படத்திலும் கதை பெரிதாக இல்லை என்றாலும் காட்சிகள் பிரம்மிக்க வைத்தன. தெலுங்கு சினிமா ரசிகர்கள் மட்டுமின்றி உலக சினிமா ரசிகர்களே படத்தைக் கொண்டாடினார்கள். ஆனால், பீஸ்ட் படத்தையே பார்க்காமல் சிலர் நெல்சன் பற்றியும் பீஸ்ட் படம் பற்றியும் மீம்ஸ் போடுகின்றனர். இதனால், தமிழ் சினிமா முன்னேறாது என இந்த விஜய் ரசிகர் தனது ஆதங்கத்தை தெரிவித்துள்ளார்.

      Apr 13, 2022 11:18 AM

      லோகேஷ் கனகராஜ் ட்வீட்

      பீஸ்ட் டே வந்துடுச்சு.. விஜய் அண்ணா மற்றும் டார்லிங்ஸ் நெல்சன், அனிருத்துக்கு வாழ்த்துக்கள். பீஸ்ட் திரைப்படம் கிராண்ட் சக்சஸ் அடையும் என மாஸ்டர், விக்ரம் படங்களின் இயக்குநர் லோகேஷ் கனகராஜ் ட்வீட் போட்டுள்ளார்.

      Apr 13, 2022 11:15 AM

      நிஜமாவே திரை தீப்பிடிச்சிடுச்சு

      பீஸ்ட் திரைப்படம் வெளியான திரையரங்கு ஒன்றில் நிஜமாகவே திரை தீப்பிடித்து எரிந்தது. விஜய் ரசிகர்கள் தான் அப்படி செய்து விட்டார்களா என நினைத்த நிலையில், ஷார்ட் சர்க்க்யூட் ஆனதால் அந்த விபத்து நேர்ந்ததாக தகவல்கள் வெளியாகி உள்ளன. பீஸ்ட் திரைப்படம் வெளியான தியேட்டர்கள் அனைத்தும் சுமூகமான முறையில் படம் ஓடிக் கொண்டிருக்கிறது. பால் திருடுவது, தயிர் திருடுவது, தியேட்டர் சேதம் என இதுவரை எந்த புகாரும் வரவில்லை.

      Apr 13, 2022 11:11 AM

      அன்பறிவு

      பீஸ்ட் படத்தின் சண்டைக் காட்சிகளை பாராட்டியே ஆக வேண்டும் அன்பு மற்றும் அறிவு மாஸ்டர்கள் இருவரும் இணைந்து வெறித்தனமான சண்டைக் காட்சிகளை கொடுத்துள்ளனர்.

      Apr 13, 2022 10:53 AM

      ரோகிணி திரையரங்கில் பீஸ்ட் திரைப்படம் பார்த்த உதயநிதி ஸ்டாலினின் மகன் இன்பநிதி. நண்பர்கள் மற்றும் உறவினர்களுடன் நடிகர் விஜய்யின் பீஸ்ட் படத்தின் முதல் காட்சியை பார்த்து மகிழ்ந்த புகைப்படங்கள் வெளியாகி உள்ளன.

      Apr 13, 2022 10:31 AM

      தலைவர் 169

      இப்பவே கண்ணை கட்டுதே.. தலைவர் 169 படத்தை பார்த்து பண்ணுப்பா நெல்சா என ரஜினி ரசிகர்கள் பீஸ்ட் படத்தை பார்த்து மிரள ஆரம்பித்துள்ளனர்.

      Apr 13, 2022 10:27 AM

      படம் முழுக்க கொரஞ்சது 10 இடத்துல கை தட்டல் இருக்கும் காமெடி அப்படி ஒர்க்கவுட் ஆகி இருக்கு VTV கணேஷ் பின்னிட்டார். எங்கையும் போர் அடிக்காம நீட் அண்ட் க்ளீன் ah படத்தை முடிச்சிட்டார் நெல்சன். இதுக்கு மேல என்ன வேணும் என இந்த ரசிகர் பீஸ்ட் படத்திற்கான பாசிட்டிவ் விமர்சனத்தை போட்டுள்ளார்.

      Apr 13, 2022 9:37 AM

      இதுக்குத்தான் இவ்ளோ நாளா

      நெல்சா இந்த கருமத்துக்கு எடுக்குறதுக்கு தான் இத்தனை நாளா இவ்வளவு ஓட்டிட்டு இருந்தியா.. இதுல இன்டர்வியூ வேற என பீஸ்ட் டிசாஸ்டர் ஹாஷ்டேக்கும் டிரெண்டாகி வருகிறது. மேலும், இது நெல்சன் படமா? விஜய் படமா? என்கிற குழப்பத்திலேயே ரசிகர்கள் படம் பார்த்ததாகவும் விமர்சனங்கள் வருகின்றன.

      Apr 13, 2022 9:18 AM

      பிரான்ஸ் தலைநகர் பாரீஸில் உள்ள Le Grand Rex தியேட்டரில் பீஸ்ட் படத்தை உற்சாகமாக பார்த்த ரசிகர்கள் மொபைல் ஃபிளாஷ் அடித்து அரங்கையே ஒளிரச் செய்த வீடியோ டிரெண்டாகி வருகிறது

      Apr 13, 2022 9:02 AM

      செல்வராகவன் செம

      இயக்குநர் செல்வராகவன் நடிகராக பீஸ்ட் படத்தில் பட்டையை கிளப்பி உள்ளார் என்றும் தனக்கு கொடுக்கப்பட்ட கதாபாத்திரத்தில் தனது பாடி லேங்குவஜால் மிளிர்கிறார் என பாராட்டுக்கள் குவிந்து வருகின்றன.

      Apr 13, 2022 9:00 AM

      டிவியில பேட்டிக் கொடுக்கும் போதே

      ”எனக்கு அப்பவே தெரியும்டா.. தட தடனு ஓடி வந்து நீ டீவில பேட்டி குடுக்கும் போதே தெரியும் படம் நல்லா வரலனு.” என அஜித் ரசிகர்கள் பங்கமாக கலாய்த்து வருகின்றனர்.

      Apr 13, 2022 8:59 AM

      நடிகர் விஜய் சார் மற்றும் பீஸ்ட் படக்குழுவினருக்கு என் நெஞ்சம் நிறைந்த வாழ்த்துக்கள், பாக்ஸ் ஆபிஸில் பீஸ்ட் சாதனை படைக்கும் என நடிகர் அருண் விஜய் ட்வீட் போட்டு வாழ்த்தி உள்ளார்.

      Apr 13, 2022 8:48 AM

      ஆர்யா வாழ்த்து

      பீஸ்ட் திரைப்படம் பிளாக்பஸ்டர் வெற்றியடைய நடிகர் ஆர்யா வாழ்த்து விஜய் அண்ணா மற்றும் நெல்சன் பிரதருக்கு வாழ்த்து என ட்வீட்

      Apr 13, 2022 8:38 AM

      அட்லி தான் காப்பாத்தணும்

      இயக்குநர் நெல்சன் பைரவா அளவுக்கு கூட புலி படம் அளவுக்கு விஜய்யை பீஸ்ட் படம் மூலம் இறக்கி விட்டு விட்டார். இயக்குநர் அட்லி தான் மீண்டும் விஜய்யை காப்பாற்ற வேண்டும் என #Atlee டிரெண்டாகி வருகிறது.

      Apr 13, 2022 8:30 AM

      வலிமை vs பீஸ்ட்

      வலிமை படத்தில் நடிகர் அஜித் குமார் பைக்கில் ஒரு பில்டிங்கில் இருந்து மற்றொரு பில்டிங்கிற்கு தாவுவார். இந்த படத்தில் காரில் இருந்தபடி விஜய் அந்த வேலையை செய்துள்ளார். Draw the Match என மீம்கள் பறக்கின்றன.

      Apr 13, 2022 8:22 AM

      டாக்டர் மாதிரியே

      விஜய்யின் பீஸ்ட் படம் டாக்டர் படத்தை போலவே திரைக்கதை ஒன்றும் பெரிதாக இல்லை என்றாலும், தனது டார்க் காமெடி டிராக்கில் இயக்குநர் நெல்சன் ஸ்கோர் செய்துள்ளார். ரசிகர்கள் தியேட்டரில் சிரித்து மகிழ்ந்து கொண்டாடும் அளவுக்கு படம் உள்ளது என இந்த ரசிகர் விமர்சித்துள்ளார்.

      Apr 13, 2022 8:11 AM

      நடிகை வரலக்‌ஷ்மி சரத்குமார் வேண்டுகோள்

      இது பீஸ்ட் டே.. இயக்குநர் நெல்சன், நடிகர் விஜய் உள்ளிட்ட அனைத்து பீஸ்ட் படக்குழுவினருக்கும் என் வாழ்த்துக்கள். ரசிகர்கள் நாங்கள் படத்தை இன்று கொண்டாடி கொள்கிறோம். விமர்சகர்கள் தயவு செய்து அதி விரைவாக உங்களது கருத்துக்களை பதிவிட்டு பீஸ்ட் கொண்டாட்டத்தை வீணடிக்க வேண்டாம் என நடிகை வரலக்‌ஷ்மி சரத்குமார் வேண்டுகோள் விடுத்துள்ளார்.

      Apr 13, 2022 7:56 AM

      ஆவரேஜ்

      பீஸ்ட் படத்தின் முதல் பாதி ஆக்‌ஷன் பிளஸ் காமெடி கலந்து சென்றது. இரண்டாவது பாதி ரொம்பவே ஸ்லோவாகவும் சுமாராகவும் நகர்ந்தது பெரிதாக ஈர்க்கவில்லை. அதிலும், கடைசி 20 நிமிடங்கள் சொதப்பல். ஆனால், பாக்ஸ் ஆபிஸில் ஹிட் அடிக்கும் என இந்த நெட்டிசன் 5க்கு 3 மதிப்பெண்களை கொடுத்துள்ளார்.

      Apr 13, 2022 7:51 AM

      பீஸ்ட் பார்த்த பிரியங்கா மோகன்

      இயக்குநர் நெல்சனின் டாக்டர் மற்றும் சூர்யாவின் எதற்கும் துணிந்தவன் படங்களின் ஹீரோயின் பிரியங்கா மோகன் வெற்றி தியேட்டரில் பூஜா ஹெக்டே மற்றும் அபர்ணா தாஸ் உடன் படம் பார்த்த புகைப்படங்கள் டிரெண்டாகி வருகின்றன.

      Apr 13, 2022 7:49 AM

      இயக்குநர் நவீன் ட்வீட்

      மூடர்கூடம் பட இயக்குநர் நவீன் தனது ட்விட்டர் பக்கத்தில் பீஸ்ட் படத்தில் நடிகர் விஜய்யின் வித்தியாசமான டைட்டில் கார்டு தியேட்டரில் போடப்பட்டபோது ரசிகர்கள் உற்சாகமாக எடுத்துக் கொண்ட செல்ஃபியை ஷேர் செய்துள்ளார்.

      Apr 13, 2022 7:46 AM

      கூர்கா பாருங்க

      யோகி பாபு நடித்த கூர்கா படத்தையே பார்த்துடுங்க.. விஜய் நடித்த பீஸ்ட் படத்தை பார்த்தால் மண்டைக் கோளாறு வந்துவிடும் என லாஜிக் ஓட்டைகளை பார்த்து கடுப்பான அஜித் ரசிகர்கள் கமெண்ட் அடித்து கலாய்த்து வருகின்றனர்.

      Apr 13, 2022 7:41 AM

      பீஸ்ட் டிசாஸ்டர்

      எதிர்பார்த்த அளவுக்கு பீஸ்ட் படத்தின் திரைக்கதை புதிதாக இல்லை என பீஸ்ட் டிசாஸ்டர் ஹாஷ்டேக்கை அஜித் ரசிகர்கள் டிரெண்ட் செய்ய தொடங்கி உள்ளனர். ஏகப்பட்ட காமெடி மீம்களுக்கும் படத்தில் கன்டென்ட் இருப்பதால் வச்சு செய்ய ஆரம்பித்துள்ளனர்.

      Apr 13, 2022 7:38 AM

      அரபிக் குத்து

      பீஸ்ட் படத்தின் முதல் பாதி 50 சதவீதம் காமெடி மற்றும் 50 சதவீதம் ஆக்‌ஷன் கலந்து இருக்கிறது. ஃபுல் பீஸ்ட் மோடில் தளபதி விஜய் நடித்துள்ளார். அவருடைய ஆக்‌ஷன் காட்சிகள் ரசிகர்களை திருப்திப்படுத்தும். அரபிக் குத்து பாடலில் தளபதியின் வெறித்தனமான ஆட்டத்தை தியேட்டரில் ரசிகர்கள் கொண்டாடி வருகின்றனர். பூஜா ஹெக்டே செம அழகாக தனது காட்சிகளில் கச்சிதமாக நடித்துக் கொடுத்திருக்கிறார் என ரமேஷ் பாலா விமர்சித்துள்ளார்.

      Apr 13, 2022 7:33 AM

      ஆடை இயக்குநர் விமர்சனம்

      மேயாத மான், ஆடை படங்களை இயக்கிய இயக்குநர் ரத்னகுமார் மாஸ்டர் படத்தில் வசனகர்த்தாவாக பணியாற்றினார். இந்நிலையில், பீஸ்ட் திரைப்படம் ஒரு தீம் பார்க் என்றும், இதில், ரசிகர்களுக்கு பிடித்த அத்தனை விதமான ரைடுகளும் உள்ளன என குறிப்பிட்டுள்ளார். அனிருத் மற்றும் விஜய் ஒட்டுமொத்த படத்தையும் அல்ட்ரா மாஸ் பர்ஃபார்மன்ஸ் உடன் தாங்கிப் பிடித்துள்ளனர் என்றும் இயக்குநர் நெல்சன் ஆக்‌ஷனையும் ஹியூமரையும் அடுக்கி வைத்து ரசிகர்களை போரடிக்காமல் படத்தை கொண்டாட வைத்துள்ளார் என தனது கருத்தை பதிவிட்டுள்ளார்

      Apr 13, 2022 7:25 AM

      ஆயிரம் ரூபாய் கொடுக்கலாம்

      நடிகர் விஜய் படங்களிலேயே இதுதான் பெஸ்ட் படம் என்றும், துப்பாக்கி, போக்கிரி, கத்தி எல்லாம் ஒண்ணுமே இல்லை இதுக்கு முன்னாடி.. முதல் பாதிக்கே 1000 ரூபாய் கொடுக்கலாம். செல்வராகவன் மற்றும் அனிருத் தரமான சம்பவம் என இந்த ரசிகர் தனது கருத்தை பதிவிட்டுள்ளார்.

      Apr 13, 2022 7:07 AM

      பீஸ்ட் vs தளபதி 66

      வெற்றி தியேட்டரில் பீஸ்ட் பார்த்த இயக்குநர் நெல்சன் தளபதி 66 படத்தின் இயக்குநர் வம்சி வெற்றி தியேட்டரில் நெல்சனை சந்தித்து வாழ்த்து

      Apr 13, 2022 7:05 AM

      நெல்சன் டிரேட்மார்க்

      டார்க் காமெடி டைரக்டர் என்கிற பெயரை பீஸ்ட் படத்திலும் காப்பாற்றி உள்ளார் இயக்குநர் நெல்சன். தளபதி விஜய்யின் ஸ்க்ரீன் பிரசன்ஸ் தியேட்டர்களை தீப்பிடிக்க வைக்கிறது என இவர் விமர்சித்துள்ளார்.

      Apr 13, 2022 6:51 AM

      விடிவி கணேஷ் காமெடி

      கோலமாவு கோகிலா படத்தில் யோகி பாபு காமெடியில் கலக்கிய நிலையில், டாக்டர் படத்தில் யோகி பாபு மற்றும் ரெட்டின் கிங்ஸ்லி செம ஃபன் பண்ண நிலையில், பீஸ்ட் படத்தில் விடிவி கணேஷை வைத்து அந்த மேஜிக்கை நிகழ்த்தி உள்ளார் இயக்குநர் நெல்சன். யோகி பாபு, ரெட்டின் கிங்ஸ்லி, சுனில் உள்ளிட்ட பலர் இருந்தும் விடிவி கணேஷ் காமெடியில் கலக்குகிறார்.

      Apr 13, 2022 6:12 AM

      சர்வதேச அளவு ஸ்டன்ட்

      அரபிக் குத்து பாடலில் நடிகர் விஜய்யின் அபாரமான நடன அசைவுகள் வெறித்தனம் என ரசிகர்கள் பாராட்டி வருகின்றனர். ஆரம்பத்தில் இருந்தே அன்பறிவு மாஸ்டரின் ஸ்டன்ட் வெறித்தனம் என்றும் சர்வதேச அளவில் உள்ளதாகவும் ரசிகர்கள் விமர்சித்து வருகின்றனர்.

      Apr 13, 2022 6:01 AM

      பீஸ்ட் படத்தின் முதல் பாதி செம காமெடியாக நகர்கிறது. கோலமாவு கோகிலா, டாக்டர் படங்களில் எந்த அளவுக்கு இயக்குநர் நெல்சனின் காமெடி சென்ஸ் வொர்க்கவுட் ஆனதோ அதே அளவுக்கு பீஸ்ட் முதல் பாதியிலும் காமெடி சிறப்பாக வந்துள்ளது. இரண்டாவது பாதியில் தான் வீரராகவனின் பீஸ்ட் மோடு என பீஸ்ட் படத்திற்கு விமர்சனங்கள் வரத் தொடங்கி உள்ளன.

      Apr 13, 2022 5:47 AM

      திருநெல்வேலியில் உள்ள ராம் முத்துராம் சினிமாஸில் மழை காரணமாக பீஸ்ட் FDFS கொண்டாட்டம் களையிழந்தது. மழை நின்றவுடன் பீஸ்ட் புயல் அடிக்கும் என ராம் முத்துராம் சினிமாஸ் ட்வீட் போட்டு ரசிகர்களை உற்சாகப்படுத்தியது

      Apr 13, 2022 5:46 AM

      பீஸ்ட் திரைப்படத்தின் FDFS கொண்டாட்டத்திற்காக நடத்தப்பட்ட பிரம்மாண்ட டிஜே. அரபிக் குத்து பாடலுக்கு நடனமாடிய ஆயிரக் கணக்கான விஜய் ரசிகர்கள்

      Apr 13, 2022 5:38 AM

      நடிகர் விஜய்யின் பீஸ்ட் திரைப்படத்தின் FDFS காட்சியை சென்னையில் உள்ள வெற்றி திரையரங்கில் காண வந்த இயக்குநர் நெல்சன் மற்றும் அனிருத், காரில் இருந்து இறங்கி, ரசிகர்களுக்கு கை அசைத்து விட்டு தியேட்டருக்குள் நுழைந்தனர்.

      Apr 13, 2022 5:25 AM

      பட்டாசு வெடித்து

      பீஸ்ட் திரைப்படத்தின் FDFS திருவிழா பட்டாசு வெடித்து பட்டையைக் கிளப்புகிறது. விஜய் ரசிகர்கள் ஆட்டம் பாட்டம் கொண்டாட்டத்துடன் பீஸ்ட் படத்தை திரையர்ங்குகளில் பார்த்து வருகின்றனர். மாஸ்டர் படத்தை தொடர்ந்து ஓராண்டுக்கு மேல் ஆன நிலையில், பீஸ்ட் படம் வெளியாகி உள்ளதால் தியேட்டரில் ரசிகர்கள் அதிகளவில் குவிந்துள்ளனர்.

      Apr 13, 2022 5:20 AM

      ரோகிணியில் ரூபிக் க்யூப்

      சென்னை ரசிகர்களின் கோட்டை என அழைக்கப்படும் ரோகிணி திரையரங்கில் பீஸ்ட் திரைப்படத்தை முன்னிட்டு 955 ரூபிக் க்யூப்களால் உருவான நடிகர் விஜய்யின் பீஸ்ட் மொசைக் ஆர்ட்டை அரங்கத்தினுள் வைத்து ரசிகர்களை ஆச்சர்யத்தில் வாய் பிளக்க வைத்துள்ளனர்.

      Apr 13, 2022 5:18 AM

      பீஸ்ட் FDFS கொண்டாட்டம்

      தளபதி என ரசிகர்களால் அன்போடு அழைக்கப்படும் நடிகர் விஜய்யின் பீஸ்ட் திரைப்படம் இன்று வெளியானது. சென்னையில் உள்ள ரோகிணி திரையரங்கம், வெற்றி திரையரங்கம், காசி திரையரங்கம் உள்ளிட்ட பல திரையரங்குகளில் அதிகாலை காட்சிகள் ஆரம்பமாகி உள்ளன. பீஸ்ட் படத்தை காண குவிந்த ரசிகர்களின் FDFS கொண்டாட்டங்கள் சமூக வலைதளங்களில் #BeastFDFS என டிரெண்டாகி வருகிறது.

      Apr 13, 2022 5:12 AM

      நெல்சன் இயக்கத்தில் விஜய் நடித்துள்ள பீஸ்ட் திரைப்படம் அதிகாலை 4 மணிக்கு திரையரங்குகளில் வெளியானது

      Apr 13, 2022 5:11 AM

      நள்ளிரவு முதல் இருந்தே ரசிகர்கள் பீஸ்ட் FDFS கொண்டாட்டத்தை கொண்டாடி வருகின்றனர்

      Apr 13, 2022 5:11 AM

      பாலாபிஷேகம், பட்டாசு, டிஜே என தியேட்டர்கள் திருவிழாவாக மாறி உள்ளன

      Apr 13, 2022 5:11 AM

      இயக்குநர் நெல்சன், அனிருத், பூஜா ஹெக்டே, அபர்ணா தாஸ் உள்ளிட்டோர் வெற்றி தியேட்டரில் படம் பார்த்து வருகின்றனர்

      Comments

      MORE BEAST MOVIE NEWS

      English summary
      Beast Movie ['பீஸ்ட்' திரைப்படம்] LIVE News Updates in Tamil: Check out the live news updates on vijay’s beast movie public and celebrity reviews, FDFS Celebrations , Box office Collection Report on daily basis and much more in tamil language at Filmibeat Tamil.
      Go to : Photos
      Go to : Videos
      Go to : Wallpapers
      Click to comments
      உடனடி நியூஸ் அப்டேட்டுகள்
      Enable
      x
      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Yes No
      Settings X
      Close
      X