லேடீஸ் நைட் படத்திற்காக 4 இளம் நடிகைகளை இயக்கிய விஜய்

விரைவில் தலைவி ரிலீஸ்

தமிழக தேர்தல், கொரோனா பரவல், தியேட்டர்கள் மூடல் உள்ளிட்ட பல காரணங்களால் அடுத்தடுத்து தலைவி படத்தின் ரிலீஸ் தேதி தள்ளி போகிறது. பிரம்மாண்டமாக எடுக்கப்பட்டுள்ள இந்த படம் லாக்டவுன் முடிந்த பிறகு ரிலீஸ் செய்யப்பட உள்ளது. இதில் அரவிந்த் சாமி, சமுத்திரக்கனி உள்ளிட்டோர் நடித்துள்ளனர்.

அடுத்த படத்தையும் முடித்த விஜய்

அதே சமயம், தலைவி படத்துடன் சேர்த்து தனது அடுத்த படத்தையும் எடுத்து முடித்துள்ளதாக விஜய் தெரிவித்துள்ளார். இந்த படத்திற்கு அக்டோபர் 31 லேடீஸ் நைட் என பெயரிட்டுள்ளாராம். பயங்கர த்ரில்லர்,ஹாரர் படமாக இப்படம் உருவாக்கப்பட்டுள்ளதாம்.

4 ஹீரோயின்களை இயக்கிய விஜய்

இந்த படத்தில் 4 ஹீரோயின்கள் நடித்துள்ளனராம். மேகா ஆகாஷ், மஞ்சிமா மோகன், நிவேதா பேதுராஜ், ரிபா மோனிகா ஜான் ஆகியோருடன் புதுமுக நடிகை ஒருவரும், தெலுங்கு ஹீரோ விஷாக் சென் ஆகியோரும் நடித்துள்ளனர்.

Recommended Video

Family Man 2 Stunt Making Video | Behind The Scenes

ஹாலோவென் பார்ட்டி தான் படமே

நண்பர்கள் இடையே நடக்கும் ஹாலோவென் பார்ட்டியில் விளையாட்டாக செய்யும் காரியம் தவறாக முடிவதும், ஒரு இரவில் நடக்கும் நிகழ்வுகளும் தான் படத்தின் கதை. ஹாலோவென் பார்ட்டியை மையமாக வைத்தே இந்த படத்தின் கதை உருவாக்கப்பட்டுள்ளதாம்.

விரைவில் ஓடிடி ரிலீஸ்

பெண்களை மையமாகக் கொண்டு எடுக்கப்பட்டுள்ள அக்டோபர் 31 லேடீஸ் நைட் படம் ஓடிடி.,யில் ரிலீஸ் செய்யப்பட உள்ளது. இதற்கான பேச்சுவார்த்தை நடத்தப்பட்டு வருகிறதாம். முன்னணி ஓடிடி தளம் ஒன்றில் விரைவில் இந்த படம் ரிலீசாகும் என கூறப்படுகிறது.