வாரிசு, துணிவு FDFS Box Office ரிப்போர்ட்... விஜய்யை ஓரங்கட்டிய அஜித்... வெறித்தனமான சம்பவம்

வாரிசு, துணிவு பொங்கல்

இந்தாண்டு பொங்கல் பண்டிகையை முன்னிட்டு விஜய்யின் வாரிசு, அஜித்தின் துணிவு திரைப்படங்கள் திரையரங்குகளில் வெளியாகியுள்ளன. இருதரப்பு ரசிகர்களிடம் அதிகம் எதிர்பார்ப்பில் இருந்த இந்தப் படங்களின் FDFS காட்சிகளை ரசிகர்கள் கண்டுகளித்தனர். தொடர்ந்து சில மாதங்களாக ரசிகர்களிடம் மிகப் பெரிய எதிர்பார்ப்பை ஏற்படுத்தியிருந்த இந்தப் படங்களின் விமர்சனங்களும் தற்போது வெளியாகியுள்ளன.

FDFS வசூல் சாதனை

விஜய்யின் வாரிசு, அஜித்தின் துணிவு என இரண்டு படங்களுமே கலவையான விமர்சனங்களை பெற்றுள்ளன. வாரிசு முழுக்க முழுக்க பேமிலி சென்டிமெண்டலாக இருப்பதாக விஜய் ரசிகர்கள் கருத்து கூறி வருகின்றனர். அதேபோல், அஜித்தின் துணிவு ஆக்‌ஷன் ஜானரில் இருந்தாலும், சமூகத்துக்கு தேவையான கருத்துகளை எடுத்து வைத்துள்ளதாக ரசிகர்கள் பாராட்டி வருகின்றனர். இந்நிலையில், இந்த இரண்டு படங்களின் FDFS வசூல் பற்றிய தகவல்கள் கிடைத்துள்ளன.

துணிவு தான் டாப்

அஜித்தின் துணிவு திரைப்படம் நள்ளிரவு 1 மணிக்கே திரையிடப்பட்டது. முதலில் ஒரு மணிக் காட்சிகள் ரத்து செய்யப்படலாம் என சொல்லப்பட்ட நிலையில், இறுதியாக சொன்னபடி வெளியானது. அதன்படி அஜித்தின் துணிவு படத்தின் FDFS வசூல் 12 கோடி ரூபாய் என்று தகவல் கிடைத்துள்ளது. இதனால் அஜித் ரசிகர்களும் துணிவு படக்குழுவினரும் உற்சாகத்தில் உள்ளனர். நேர்கொண்ட பார்வை, வலிமை படங்களின் வசூல் அஜித்துக்கு கை கொடுக்காத நிலையில், துணிவு கெத்து காட்டியுள்ளது.

விஜய்யின் வாரிசு FDFS வசூல்

அதேபோல், விஜய்யின் வாரிசு திரைப்படத்தின் FDFS அதிகாலை 4 மணிக்கு திரையிடப்பட்டது. விஜய் ரசிகர்களின் ஆர்ப்பரிப்பில் வெளியான வாரிசு படமும் பாக்ஸ் ஆபிஸில் சாதனை படைத்து வருவதாக சொல்லப்படுகிறது. அதன்படி இந்தப் படத்தின் FDFS வசூல், 10 கோடி ரூபாய் என தகவல் கிடைத்துள்ளது. அஜித்தின் துணிவு படத்தை விட 2 கோடி ரூபாய் வரை குறைவாக இருந்தாலும், பாக்ஸ் ஆபிஸில் இது சூப்பர் என கோலிவுட் வட்டாரங்கள் தெரிவிக்கின்றன.