பீஸ்ட் ஆடியோ வெளியீட்டு விழாவில் சம்பவம் இருக்கு.. ட்விட்டரை தெறிக்கவிடும் தளபதி ரசிகர்கள் #Vijay

விஜய்க்கு எதிரான கருத்து நீக்கம்

தளபதி விஜய்யை விமர்சித்த தனி நீதிபதியின் கருத்துகளை நீக்கியது ஐகோர்ட் என விஜய் ரசிகர்கள் ட்விட்டரை கொளுத்துங்கடா வெடிய என ட்வீட்களை குவித்து வருகின்றனர். ரோல்ஸ் ராய்ஸ் கோஸ்ட் கார் இறக்குமதி செய்ததில் நுழைவு வரி செலுத்துவதற்கு எதிராக நடிகர் விஜய் தொடர்ந்த வழக்கை விசாரித்த தனி நீதிபதி சுப்பிரமணியம் நடிகர் விஜய்யை குற்றவாளி போல சித்தரித்ததற்கு எதிராக விஜய் மேல் முறையீடு செய்திருந்தார்.

தி பீஸ்ட்

ரோல்ஸ் ராய்ஸ் கோஸ்ட் கார் வழக்கில் தன் மீது சுமத்தப்பட்ட குற்றச்சாட்டுக்களையும் தனக்கு எதிராக திணிக்கப்பட்ட எதிர்மறை கருத்துக்களையும் நீக்கிய தி பீஸ்ட் விஜய் என ரசிகர்கள் கொண்டாடி வருகின்றனர். விரைவில் பீஸ்ட் படத்தின் ஃபர்ஸ்ட் சிங்கிளையும் இதற்கு ட்ரீட்டாக வேண்டும் என ரசிகர்கள் கோரிக்கை வைத்து வருகின்றனர்.

ஒரு ரவுண்டு போலாமா

"சும்மா இருந்தா வாங்களேன்.. காரில் ஒரு ரவுண்டு போவோம்" என சென்னை உயர்நீதிமன்ற உத்தரவு வந்த பின்னர் விஜய் ரசிகர்கள் மீம்களை போட்டு விஜய்க்கு எதிராக எதிர்மறை கருத்துக்களை பரப்பியவர்களை கிண்டல் செய்து வருகின்றனர்.

எதிர்த்தா அதுதான் என்னோட வளர்ச்சி

சர்கார் படத்தில் நடிகர் விஜய் தனது ரோல்ஸ் ராய்ஸ் கோஸ்ட் காரில் வந்து இறங்கும் போலாம் ரைட் பாடலில் இடம்பெற்ற "எதிர்த்தா அதுதான் என்னோட வளர்ச்சி" வரிகளையும் அந்த வீடியோவையும் ஷேர் செய்து விஜய் ரசிகர்கள் இணையத்தை கலக்கி வருகின்றனர்.

பீஸ்ட் ஆடியோ லாஞ்சில் சம்பவம்

பீஸ்ட் படத்தின் இசை வெளியீட்டு விழாவில் சம்பவம் இருப்பதை உணர்கிறேன் என சூர்யாவின் ஏழாம் அறிவு போதி தர்மர் டெம்பிளேட்டை போட்டு வேறலெவல் மீம்களை உருவாக்கி உள்ளனர் விஜய் ரசிகர்கள். மாஸ்டர் படத்தின் இசை வெளியீட்டு விழாவில் பேசியதை போலவே பீஸ்ட் பட இசை வெளியீட்டு விழாவிலும் தளபதி விஜய் பேசுவதை கேட்க ரசிகர்கள் வெயிட்டிங்!