விஜய் டிவி தீனாவுக்கு அடித்த ஜாக்பாட்... தனுஷ் தயாரிப்பில் ஹீரோவாகும் தீனா!

ஹீரோவாக தீனா

மலையாளத்தில் சூப்பர் ஹிட் ஆன 'கட்டப்பனையிலே ரித்விக் ரோஷன்' என்ற படத்தின் தமிழ் ரீமேக்கை நடிகர் தனுஷ் தனது வொண்டர்பார் பிலிம்ஸ் நிறுவனத்தின் சார்பில் தயாரிக்கவுள்ளார். இந்தப் படத்தில் விஜய் டிவி-யின் தீனா ஹீரோவாக நடிக்கவுள்ளதாக செய்திகள் வெளிவந்துள்ளது.

ஹீரோவாக தீனா

மலையாளத்தில் சூப்பர் ஹிட் ஆன 'கட்டப்பனையிலே ரித்விக் ரோஷன்' என்ற படத்தின் தமிழ் ரீமேக்கை நடிகர் தனுஷ் தனது வொண்டர்பார் பிலிம்ஸ் நிறுவனத்தின் சார்பில் தயாரிக்கவுள்ளார். இந்தப் படத்தில் விஜய் டிவி-யின் தீனா ஹீரோவாக நடிக்கவுள்ளதாக செய்திகள் வெளிவந்துள்ளது.

இன்னொரு படத்திலும்

இந்த படத்தில் நடிக்கவிருக்கும் மற்ற நட்சத்திரங்கள் குறித்த அறிவிப்பு மிக விரைவில் வெளியாகவுள்ளதாகவும், இந்த படத்தை அடுத்து தனுஷ் தயாரிக்கும் இன்னொரு படத்திலும் தீனா நடிக்கவுள்ளதாகவும் தகவல்கள் வெளியாகியுள்ளன.

கட்டப்பனையிலே ரித்விக் ரோஷன்

கடந்த 2016-ம் ஆண்டு மலையாளத்தில் புதுமுகங்கள் நடித்து வெளியான படம் 'கட்டப்பனையிலே ரித்விக் ரோஷன்'. நூறு நாட்கள் ஓடிய இந்தப்படத்தை மலையாள நடிகர் திலீப்பின் நண்பரான நாதிர்ஷா என்பவர் தான் இயக்கியிருந்தார்.

அஜித் ஃப்ரம் அருப்புக்கோட்டை

இந்தப்படத்தை தற்போது தமிழில் ரீமேக் செய்து தயாரிக்கும் வேலைகளில் இறங்கியுள்ளார் தனுஷ். தமிழிலும் நாதிர்ஷாவே இயக்க வாய்ப்பிருப்பதாகக் கூறப்படுகிறது. இந்தப்படத்திற்கு 'அஜித் ஃப்ரம் அருப்புக்கோட்டை' எனும் டைட்டில் பரிசீலனையில் இருக்கிறதாம்.

தீனாவுக்கு யோகம்

விஜய் டி.வி-யின் தொகுப்பாளர்களையும், போட்டியாளர்களையும் கலாய்த்து கதறவிடும் தீனாவுக்கு தனுஷின் மூலமாக பெரும் வாய்ப்பு கிடைத்திருக்கிறது. டைமிங் காமெடி சென்சில் பட்டையைக் கிளப்பும் தீனா நடிப்பிலும் தூள் கிளப்பினால் ரசிகர்களை வெகுவாகக் கவரலாம்.