விஜய் vs அஜித்.. இந்த பொங்கலுக்கு பாக்ஸ் ஆபிஸை வெல்லப்போவது யார்? வசூல் மன்னன் யார்?

விஜய்யின் வாரிசு

இயக்குநர் வம்சி இயக்கத்தில் விஜய், ராஷ்மிகா மந்தனா, சரத்குமார், பிரகாஷ் ராஜ், ஷாம், ஸ்ரீகாந்த், சங்கீதா, சம்யுக்தா, யோகி பாபு உள்ளிட்ட பலர் நடிப்பில் உருவாகி உள்ள வாரிசு திரைப்படம் வரும் பொங்கல் பண்டிகையை முன்னிட்டு ஜனவரி 11ம் தேதி வெளியாகிறது. வாரிசு ட்ரெய்லர் வெளியாகி இதுவரை 20 மில்லியன் வியூஸ் கடந்து ட்ரெண்டாகி வருகிறது.

50 மில்லியன் வியூஸ்

இயக்குநர் ஹெச். வினோத் இயக்கத்தில் அஜித் குமார், மஞ்சு வாரியர், சமுத்திரகனி, பிரேம் குமார், பக்ஸ், மோகன சுந்தரம் உள்ளிட்ட பலர் நடிப்பில் உருவாகி உள்ள துணிவு படத்தின் ட்ரெய்லர் 50 மில்லியன் வியூஸ் கடந்து அதிரடி சாதனைகளை படைத்துள்ளது. வாரிசு ட்ரெய்லர் வெளியான நிலையில் கூட மீண்டும் அஜித் ரசிகர்கள் துணிவு ட்ரெய்லரை பார்த்து ட்ரெண்ட் செய்தனர்.

போட்டிக்கு ரெடி

ஜில்லா மற்றும் வீரம் படங்களுக்கு பிறகு நேரடி மோதலை தவிர்த்து வந்த நடிகர்கள் அஜித் மற்றும் விஜய் இந்த பொங்கலுக்கு மோதி பார்த்து விட ரெடியாகி விட்டனர். அஜித் ப்ரமோஷனுக்கு வரவில்லை என்றாலும் இயக்குநர் ஹெச். வினோத், மஞ்சு வாரியர் பெரியளவில் ப்ரமோஷன் செய்து வருகின்றனர். இந்த பக்கம் நடிகர் விஜய்யே களமிறங்கி வாரிசு இசை வெளியீட்டு விழா மூலம் பெரிய ப்ரமோஷன் செய்திருந்தார்.

சேம் டே ரிலீஸ்

இரண்டு படங்களில் ஒரு படம் ஒரு தேதி முன்னர் வெளியாகி வசூலை குவிக்கும் என எதிர்பார்த்த நிலையில், இரு படங்களும் வரும் ஜனவரி 11ம் தேதி ஒரே தேதியில் மோத உள்ளன. இதனால், இந்த முறை ரியல் பாக்ஸ் ஆபிஸ் கிங் யார் என்பது தெரிந்து விடும் என இரு தரப்பு ரசிகர்களும் எதிர்பார்த்து காத்துக் கொண்டிருக்கின்றனர்.

வசூல் மன்னன் யார்

ஆட்டநாயகன் என சொல்லிக் கொள்ளும் நடிகர் விஜய் வாரிசு படத்தின் மூலம் அதிக வசூலை அள்ளுவாரா? அல்லது என்ன மாதிரி அயோக்கிய பையன் மேல கை வைக்கலாமா என பஞ்ச் பேசிய நடிகர் அஜித் துணிவு படத்தின் மூலம் வசூல் மன்னனாக மாறுவாரா? என்பது ஜனவரி 12ம் தேதி தெரிந்து விடும்.

பாக்ஸ் ஆபிஸ் சாதகம் யாருக்கு

அஜித் மற்றும் விஜய் படங்கள் சுமாராக இருந்தாலே வசூல் அனல் பறக்கும் இரு படங்களும் ஒரு வேளை சூப்பராக அமைந்து விட்டால் மிகப்பெரிய இண்டஸ்ட்ரி ஹிட்டுக்கு வாய்ப்புகள் அதிகம் என எதிர்பார்க்கப்படுகிறது. தமிழ்நாட்டில் இரு படங்களும் சம அளவிலான திரையரங்குகளில் வெளியாகும் நிலையில், முதல் நாளில் இரு படங்களும் தலா 20 கோடி வசூல் செய்யும் என எதிர்பார்க்கப்படுகிறது. ஆனால், இந்தியளவில் மற்றும் ஓவர்சீஸ் வசூல் ரீதியாக துணிவு வசூலை முதல் நாளில் வாரிசு பின்னுக்குத் தள்ளும் என எதிர்பார்க்கப்படுகிறது. என்ன நடக்குதுன்னு வெயிட் பண்ணி பார்ப்போம்!