விக்ரம் பிரபுவின் டாணாக்காரன் டீஸர் தேதி வெளியானது!

பொட்டன்ஷியல் ஸ்டுடியோ

2015ஆம் ஆண்டு நயன்தாராவின் அசத்தலான நடிப்பில் வெளியான மாயா படத்தை தயாரித்த பொட்டன்ஷியல் ஸ்டுடியோ தொடர்ந்து தரமான கதைகளைத் தயாரித்து வருகிறது. மாயா மிகப்பெரிய வெற்றி பெற்றதை தொடர்ந்து லேகேஷ் கனகராஜ் இயக்கத்தில் வெளியான மாநகரம் மற்றும் எஸ். ஜே.சூர்யா, பிரியா பவானி சங்கர் இணைந்து நடித்திருந்த மான்ஸ்டர் உள்ளிட்ட படங்களை தயாரித்திருந்தது.

டாணாக்காரன்

குறைந்த பட்ஜெட்டில் தரமான படங்களை கொடுக்க வேண்டும் என்ற நோக்கத்துடன் புதுமுக இயக்குனர்களுக்கும் வாய்ப்புக்களை வழங்கி வரும் பொட்டன்ஷியல் ஸ்டூடியோஸ் நிறுவனம் இப்போது அறிமுக இயக்குனர் தமிழ் இயக்கத்தில் உருவாகியுள்ள டாணாக்காரன் படத்தை தயாரித்துள்ளது. இந்த படத்தில் விக்ரம் பிரபு ஹீரோவாக நடித்துள்ளார். கைதி,சுல்தான், தீரன் அதிகாரம் ஒன்று, என்ஜிகே, அருவி உள்ளிட்ட படங்களை தயாரித்த ட்ரீம் வாரியர்ஸ் பிக்சர்ஸ் இணைந்து தயாரித்துள்ளது.

சுதந்திரத்திற்கு முந்தைய

கடந்த மார்ச் மாதம் டாணாக்காரன் ஃபர்ஸ்ட் லுக் போஸ்டர் வெளியாகி ரசிகர்களிடம் பெரும் வரவேற்பைப் பெற்றிருந்தது. அதில் விக்ரம் பிரபு சுதந்திரத்திற்கு முந்தைய கட்டத்தில் இருந்த போலீஸ் அதிகாரி வேடத்தில் கையில் துப்பாக்கியை தாங்கிக்கொண்டு கம்பீரமாக நின்று கொண்டுள்ளார்.

ஜூலை 16ஆம் தேதி

இந்த நிலையில் இப்படத்தின் டீஸர் தேதி தற்போது அறிவிக்கப்பட்டுள்ளது. வரும் ஜூலை 16ஆம் தேதி மாலை 5 மணிக்கு டாணாக்காரன் டீஸர் வெளியாக இருப்பதாக தயாரிப்பாளர் எஸ்ஆர் பிரபு அதிகாரப்பூர்வ அறிவிப்பை வெளியிட்டுள்ளார்.ஃபர்ஸ்ட் லுக் போஸ்டரை போலவே டீஸரும் மிக வித்தியாசமாக இருக்கும் என எதிர்பார்க்கப்படுகிறது. எஸ். ஆர். பிரபுவின் சகோதரர்கள் எஸ் ஆர் பிரகாஷ் பாபு,பி கோபிநாத், தங்க பார்த்திபன் ஆர் ஆகியோர் இப்படத்தை இணைந்து தயாரித்துள்ளனர்.