twitter
    For Quick Alerts
    ALLOW NOTIFICATIONS  
    For Daily Alerts

    கோப்ரா டிரைலர் ரிலீஸ் இந்த தேதியிலா?...அப்போ டபுள் ட்ரீட்டா இருக்குமே

    |

    சென்னை : இயக்குநர் அஜய் ஞானமுத்து இயக்கத்தில் விக்ரம் நடித்துள்ள படம் 'கோப்ரா'. 'டிமாண்டி காலனி', 'இமைக்கா நொடிகள்' படங்களை இயக்கியவர் அஜய் ஞானமுத்து. இந்த படத்தில் விக்ரமுக்கு ஜோடியாக 'கேஜிஎஃப்' நாயகி ஸ்ரீநிதி ஷெட்டி நடித்துள்ளார்.

    ஏ.ஆர் ரஹ்மான் இசையமைக்க, விக்ரம் இதுவரை இல்லாத அளவிற்கு மிக அதிகமான கெட்டப்புகளில் நடிப்பதால் இப்படத்திற்கு எதிர்பார்ப்புகள் கிளம்பியுள்ளன. வில்லனாக கிரிக்கெட் வீரர் இர்பான் பதான் நடித்திருக்கிறார் என சொல்லப்பட்டது.'மாஸ்டர்' திரைப்படத்தின் தயாரிப்பாளர் லலித்குமார் இப்படத்தை தயாரித்துள்ளார்.

    படப்பிடிப்பு கடந்த 2019 ஆம் ஆண்டு மே மாதம் தொடங்கியது. ஆனால், படத்திற்கான கதையை முழுமையாக இயக்குனர் முடிக்காத காரணத்தால் படப்பிடிப்பு நீடித்துக் கொண்டே சென்றது. இந்த நிலையில் 'கோப்ரா' படத்தின் புரொடக்ஷன் பணிகள் முடிவடைந்த நிலையில், ஆகஸ்ட் 11-ம் தேதி படம் வெளியிடப்படும் என படக்குழு அதிகாரப்பூர்வமாக தெரிவித்தது.

    டிக்கெட் கட்டணம் உயர்வு, 8 வாரங்களுக்குப் பிறகே ஓடிடியில் ரிலீஸ்: தியேட்டர் உரிமையாளர்கள் கோரிக்கைடிக்கெட் கட்டணம் உயர்வு, 8 வாரங்களுக்குப் பிறகே ஓடிடியில் ரிலீஸ்: தியேட்டர் உரிமையாளர்கள் கோரிக்கை

    எதிர்பார்ப்பை கிளப்பிய பாடல்கள்

    எதிர்பார்ப்பை கிளப்பிய பாடல்கள்

    இதைத் தொடர்ந்து படத்தின் ஆடியோ வெளியீட்டு விழா சென்னையில் பிரம்மாண்டமாக நடத்தப்பட்டது. கோப்ரா படத்தின் பாடல்கள் அனைத்தும் ரசிகர்களிடம் பெரும் வரவேற்பை பெற்றுள்ளன. எப்போது படத்தை பார்க்க போகிறோம் என்ற எதிர்பார்ப்பு ரசிகர்களிடம் ஏற்பட்டுள்ளது.

    அவர் வில்லன் கிடையாது

    அவர் வில்லன் கிடையாது


    கோப்ரா ஆடியோ வெளியீட்டு விழாவில் பேசிய விக்ரம், இந்த படத்தில் இஃபான் பதான் வில்லன் கிடையாது. அவர் படத்திலும் ஆல் ரவுண்டர் தான் என தெரிவித்தார். இதனால் இர்ஃபான் இல்லை என்றால், வேறு யார் வில்லன் என்ற கேள்வியும் எழுந்துள்ளது.இந்த சமயத்தில் கோப்ரா பட ரிலீஸ் தள்ளி வைக்கப்படுவதாக தகவல் பரவியது.

    தள்ளி வைக்கப்பட்ட கோப்ரா ரிலீஸ்

    தள்ளி வைக்கப்பட்ட கோப்ரா ரிலீஸ்

    ஆகஸ்ட் 31 ம் தேதிக்கு கோப்ரா படத்தின் ரிலீஸ் தள்ளி வைக்கப்படுவதாக சொல்லப்பட்டது. இதனால் ஆகஸ்ட் 31 ம் தேதி ரிலீசை அறிவித்த கார்த்தியின் விருமன் படத்தை முன் கூட்டியே வெளியிட முடிவு செய்யப்பட்டது. அதன் படி ஆகஸ்ட் 12 ம் தேதியான இன்று விருமன் படம் ரிலீஸ் செய்யப்பட்டு விட்டது.

    கோப்ரா ரிலீஸ் தேதி வந்தாச்சு

    கோப்ரா ரிலீஸ் தேதி வந்தாச்சு

    ஆனால் கோப்ரா படத்தின் ரிலீஸ் எப்போது என இதுவரை அறிவிக்காமலேயே இருந்தனர். இதனால் கோப்ரா படத்தை எப்போ தான் ரிலீஸ் செய்ய போகிறார்கள் என ரசிகர்கள் குழப்பமடைந்தனர். இந்நிலையில் ஆகஸ்ட் 31 ம் தேதி விநாயகர் சதுர்த்தி தினத்தில் தான் கோப்ரா படம் ரிலீஸ் செய்யப்பட உள்ளதாக படக்குழு சமீபத்தில் அதிகாரப்பூர்வமாக அறிவித்தது.

    3 மொழிகளில் ரிலீஸ்

    3 மொழிகளில் ரிலீஸ்

    தமிழ், தெலுங்கு, கன்னடம் ஆகிய 3 மொழிகளில் கோப்ரா படம் ரிலீஸ் செய்யப்பட உள்ளதாக படக்குழு அறிவித்துள்ளது. அதோடு, கொட்டும் மழையில் மேட்ரிக்ஸ் பட ஸ்டையிலில் கும்பலுடன் விக்ரம் சண்டை போடுவது போன்ற போஸ்டர் ஒன்றையும் படக்குழு வெளியிட்டது. ஆனால் கோப்ரா படம் பல முறை தள்ளி போவதால் இதுவாவது கன்ஃபார்மான தேதியா என சந்தேகத்துடனேயே ரசிகர்கள் கேட்டு வருகின்றனர்.

    இந்த தேதியில் டிரைலர் ரிலீசா?

    இந்த தேதியில் டிரைலர் ரிலீசா?

    இந்நிலையில் லேட்டஸ்ட் தகவலாக கோப்ரா படத்தின் டிரைலரை ஆகஸ்ட் 15 ம் தேதி வெளியிட முடிவு செய்யப்பட்டுள்ளதாக தகவல் வெளியாகி உள்ளது.நாட்டின் 75 வது சுதந்திர தினம் கொண்டாடப்படும் அதே நாளில் டிரைலரை வெளியீட்டு ரசிகர்களுக்கு டபுள் ட்ரீட் கொடுக்க படக்குழு முடிவு செய்திருப்பதாக சொல்லப்படுகிறது. படத்தின் ப்ரொமோஷன் வேலைகள் ஏற்கனவே துவங்கப்பட்டு விட்டதால் ரசிகர்கள் செம குஷியாகி உள்ளனர்.

    English summary
    As per the latest reports, the Cobra trailer is slated to land on the internet on August 15 (75th Independence Day). The film will be released simultaneously in Tamil, Telugu, and Kannada on August 31, the Vinayagar Chathurthi day.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X