கோப்ரா டிரைலர் ரிலீஸ் தேதி வந்தாச்சு...அசத்தல் போஸ்டருடன் வெளியிட்ட படக்குழு

கோப்ரா சென்சார் விபரம்

இந்த சமயத்தில் கோப்ரா படத்தின் சென்சார் மற்றும் ரன்னிங் டைம் பற்றிய தகவல் வெளியாகி உள்ளது. ஸ்பை த்ரில்லிங் படமான கோப்ராவில் விக்ரம் மிக அதிகமான கெட்அப்களில் நடித்துள்ளதாக சொல்லப்படுகிறது. இது தான் படத்திற்கு மிகப் பெரிய ஹைலைட்டாக பார்க்கப்படுகிறது.

ரன்னிங் டைம் எவ்வளவு தெரியுமா

கோப்ரா படத்திற்கு சென்சார் போர்டு யு/ஏ சான்று வழங்கி உள்ளது. இந்த படம் 2 மணி நேரம் 55 நிமிடங்கள் ரன்னிங் டைம் கொண்டுள்ளதாக தயாரிப்பு நிறுவனமான செவன் ஸ்க்ரீன் ஸ்டூடியோ நிறுவனம் அறிவிப்பு வெளியிட்டுள்ளது.

சியான் 62 அப்டேட்டும் வந்தாச்சு

சமீபத்தில் ட்விட்டர் ஸ்பேசில் ரசிகர்களுடன் பேசிய விக்ரம், கோப்ராவிற்கு பிறகு அஜய் ஞானமுத்துவுடன் இணைந்து மற்றொரு படம் பண்ண உள்ளதாக அப்டேட் வெளியிட்டுள்ளார். இது சியான் 62 படமாக இருக்கலாம் என சொல்லப்படுகிறது. இதற்கு முன் பா.ரஞ்சித் இயக்கும் சியான் 61 என தற்காலிகமாக பெயரிடப்பட்டுள்ள படத்தில் விக்ரம் தற்போது நடித்து வருகிறார்.

விக்ரம் சொன்ன ஷாக் தகவல்

கோப்ரா படத்தில் விக்ரம், டைட்டில் ரோலில் நடித்துள்ளார். விஞ்ஞானி உள்ளிட்ட மொத்தமாக 25 க்கும் அதிகமான கெட்அப்களில் விக்ரம் நடித்திருப்பதாக சொல்லப்படுகிறது. விக்ரமின் வித்தியாசமான கெட்அப்களை பார்க்க ரசிகர்கள் ஆர்வம் காட்டி வரும் நிலையில், இதை நம்பி, எதிர்பார்த்து யாரும் படத்திற்கு வர வேண்டாம் என விக்ரம் சமீபத்தில் தெரிவித்துள்ளது ரசிகர்களை குழப்பமடைய வைத்துள்ளது.

கோப்ரா டிரைலர் ரிலீஸ்

இந்நிலையில் நேற்று மாலை கோப்ரா படத்தின் டிரைலர் வெளியீட்டு தேதி அறிவிக்கப்படலாம் என எதிர்பார்க்கப்பட்டது. அதன் படி ரசிகர்களால் அதிகம் எதிர்பார்க்கப்படும் கோப்ரா படத்தின் டிரைலர் ஆகஸ்ட் 25 ம் தேதி வெளியிட உள்ளதாக புதிய போஸ்டருடன் படக்குழு அறிவித்தது. இந்த போஸ்டரை நடிகர் விக்ரமும் தனது ட்விட்டர் பக்கத்தில் பகிர்ந்துள்ளார்.