பாலிவுட்டில் பொன்னியின் செல்வனை பந்தாடிய விக்ரம் வேதா.. முதல் நாள் வசூல் எவ்வளவு தெரியுமா?

பாசிட்டிவ் விமர்சனங்கள்

பாலிவுட்டில் புஷ்கர் காயத்ரி இயக்கிய விக்ரம் வேதா படத்துக்கும் ரசிகர்கள் மத்தியில் பாசிட்டிவ் விமர்சனங்கள் கிடைத்துள்ளன. ஹ்ரித்திக் ரோஷன், சைஃப் அலி கானை எதிர்த்து டிரெண்ட் செய்யபட்ட பாய்காட் விக்ரம் வேதா ஹாஷ்டேக் படம் வெளியான பிறகு காணாமலே போய் விட்டது. இந்தி ரசிகர்கள் அந்த படத்துக்கு இந்த வாரம் முன்னுரிமையை கொடுத்துள்ளனர்.

பொன்னியின் செல்வன் பெரிதாக ஓடவில்லை

ஐஸ்வர்யா ராய் நடித்தும் மும்பையில் பெரிய புரமோஷன் நடத்தியும் பொன்னியின் செல்வன் படம் இந்தி பெல்ட்டில் பெரிதாக போகவில்லை. ஆர்ஆர்ஆர், கேஜிஎஃப் 2 மற்றும் பிரம்மாஸ்திரா படங்களுக்கு முதல் நாள் இருந்த ஈர்ப்பு பொன்னியின் செல்வனுக்கு அங்கே பெரிய அளவில் மிஸ்ஸிங்.

வெறும் 1.5 கோடி தான்

பொன்னியின் செல்வனுக்கும் பாலிவுட்டில் ராஜமெளலியை வைத்து புரமோஷன் நடத்தி இருந்தால் பெரிய வசூல் இருந்திருக்கும் என ரசிகர்கள் ட்ரோல் செய்யும் அளவுக்கு இந்தி பெல்ட்டில் வெறும் 1.5 கோடி தான் பொன்னியின் செல்வன் படத்துக்கு முதல் நாளில் வசூல் வந்துள்ளதாக கூறுகின்றனர். ஆனால், இது நல்ல தொடக்கம் தான் பாசிட்டிவ் விமர்சனங்கள் காரணமாக மற்ற மொழிகளிலும் படம் விரைவில் பிக் ஆகும் என்றும் கருத்துக்கள் பரவி வருகின்றன.

விக்ரம் வேதா வசூல்

அதே நேரத்தில் விக்ரம் வேதா படம் 12.5 கோடி ரூபாய் வசூல் செய்துள்ளதாக தகவல்கள் வெளியாகி உள்ளன. அமீர்கானின் லால் சிங் சத்தா முதல் நாளில் 11.50 கோடி வசூலையும், அக்‌ஷய் குமாரின் ரக்‌ஷா பந்தன் திரைப்படம் 10 கோடி வசூலையும் பெற்றிருந்த நிலையில், ஹ்ரித்திக் ரோஷன் படம் வெயிட்டான ஓப்பனிங்கை பாலிவுட்டில் கொடுத்துள்ளது.

தசரா விடுமுறை

மேலும், தசரா விடுமுறை 10 நாட்கள் உள்ள நிலையில், விக்ரம் வேதா இந்தி வெர்ஷன் திரைப்படம் மிகப்பெரிய வசூல் வேட்டையை நடத்தும் என்றும் எதிர்பார்க்கப்படுகிறது. வார் படத்திற்கு பிறகு வெளியாகி உள்ள ஹ்ரித்திக் ரோஷனின் விக்ரம் வேதா திரைப்படம் அந்த படத்தை போலவே வசூல் வேட்டை நடத்துமா என்பதை வெயிட் பண்ணி பார்ப்போம்.