Click it and Unblock the Notifications
வெனிஸ் சர்வதேச திரைப்பட விழாவில் விசாரணை!
வெற்றிமாறன் இயக்கத்தில் உருவாகியுள்ள 'விசாரணை' திரைப்படம் வெனிஸ் திரைப்பட விழாவில் பங்கேற்க தேர்வாகியுள்ளது.
இந்த திரைப்பட விழாவில் போட்டிப் பிரிவுக்கு தேர்வாகியுள்ள முதல் படம் விசாரணைதான் என்பது குறிப்பிடத்தக்கது.
72-ஆவது வெனீஸ் திரைப்பட விழா அந்நாட்டின் லீடா மாநகரத்தில் கடந்த புதன்கிழமை தொடங்கியது. உலக அளவில் சிறப்புப் பெற்ற பல திரைப்படங்கள் இவ்விழாவில் பங்கேற்றுள்ளன. வரும் 12-ஆம் தேதி வரை இத்திரைப்பட விழா நடைபெறுகிறது.
இந்த திரைப்பட விழாவில் இதற்கு முன் தமிழ்த் திரைப்படங்கள் பங்கேற்றிருந்தாலும், போட்டி பிரிவுக்கு எந்தப் படம் தேர்வானதில்லை.
அட்டக்கத்தி தினேஷ், ஆனந்தி, கிஷோர், சமுத்திரக்கனி, முருகதாஸ் உள்ளிட்ட பலர் நடித்துள்ள இப்படத்தை தனுஷ், வெற்றிமாறன் இருவரும் இணைந்து தயாரித்துள்ளனர். ஜி.வி.பிரகாஷ்குமார் இசையமைப்பில் ராமலிங்கம் ஒளிப்பதிவு செய்துள்ளார். கிஷோர் படத்தொகுப்பு செய்துள்ளார்.
கோவையைச் சேர்ந்த ஆட்டோ ஓட்டுநர் சந்திரகுமார் எழுதிய 'லாக் அப்' நாவலைத் தழுவி இப்படம் உருவாக்கப்பட்டுள்ளது.
Continue with Google