Laththi Review: விஷாலுக்கு இந்த படமாவது கைகொடுத்ததா? எப்படி இருக்கு லத்தி?

விஷாலுக்கு வெற்றி கிடைக்குமா

நடிகர் விஷால் நடிப்பில் கடைசியாக வெளியான இரும்புத்திரை படம் தான் அவருக்கு மிகப்பெரிய வெற்றியை கொடுத்தது. அதன் பிறகு வெளியான பல படங்கள் சுமார் மற்றும் சொதப்பல் ரகம் தான். இந்த ஆண்டு வெளியான வீரமே வாகை சூடவா கூட வாகை சூடவில்லை. இந்நிலையில், லத்தி படத்தை ரொம்பவே நம்பியிருக்கிறார் நடிகர் விஷால்.

கை கொடுக்கவில்லை

ஆனால், நடிகர் விஷாலுக்கு லத்தி படம் பெரிதாக கைகொடுக்கவே இல்லை என்று தான் நெட்டிசன்கள் தங்களது விமர்சனங்களை முன் வைத்து வருகின்றனர். திரைக்கதையில் எந்தவொரு புது முயற்சியும் இல்லாமல் பழைய ஸ்டீரியோ டைப் கதையை மீண்டும் தூசி தட்டி நடித்திருக்கிறார் விஷால் என்றும் 2.5 ஸ்டார்கள் தான் இந்த படத்துக்கு என நெட்டிசன்கள் விளாசி வருகின்றனர்.

கிறிஸ்துமஸ் வின்னர்

கனெக்ட் திரைப்படமும் ரசிகர்களுக்கு பெரிதாக கனெக்ட் ஆகவில்லை என கலவையான விமர்சனங்கள் வந்துள்ள நிலையில், இந்த கிறிஸ்துமஸ் வின்னர் விஷாலின் லத்தி தான் என அவரது ரசிகர்கள் டிரெண்ட் செய்து வருகின்றனர். கடைசி 40 நிமிடங்கள் விஷால் படத்துக்காக போட்டுள்ள உழைப்பை பலரும் பாராட்டி வருகின்றனர்.

சுனைனா சூப்பர்

லத்தி படத்தில் விஷாலின் மனைவியாக நடித்துள்ள நடிகை சுனைனாவின் நடிப்பு சூப்பர் என ரசிகர்கள் பாராட்டி வருகின்றனர். எந்தவொரு எதிர்பார்ப்பும் இல்லாமல் தியேட்டருக்கு வந்தேன். ஃபர்ஸ்ட் ஹாஃப் வெறித்தனம். யுவன் இசையால் மிரட்டி விட்டுருக்காரு.. நிச்சயம் பார்க்கலாம் என இந்த ரசிகர் விமர்சித்துள்ளார்.

ஸ்க்ரிப்ட் செலக்‌ஷன் சரியில்லை

லத்தி படத்திற்காக கடும் உழைப்பை நடிகர் விஷால் போட்டிருப்பது தெளிவாக தெரிகிறது. சண்டைக் காட்சிகள் படத்தில் அபாரம். ஆனால், ஸ்க்ரிப்ட் செலக்‌ஷனில் இன்னமும் நடிகர் விஷால் பெரியளவில் கோட்டை விட்டு வருவது இந்த லத்தி படத்திலும் அபத்தமாக தெரிகிறது. வசனங்கள் மற்றும் திரைக்கதை நல்லா இருந்தா படம் பிளாக்பஸ்டர் ஆகியிருக்கும் என இந்த ரசிகர் விமர்சித்துள்ளார்.