ஏய் எப்புர்ரா... H D குவாலிட்டியில் யூடியூப்பில் வெளியான கட்டா குஸ்தி... யார் பார்த்த வேலைடா இது?

கலக்கிய கட்டா குஸ்தி

விஷ்ணு விஷால் நடித்த கட்டா குஸ்தி திரைப்படம் டிசம்பர் 2ம் தேதி திரையரங்குகளில் ரிலீஸானது. விஷ்ணு விஷால் ஜோடியாக ஐஸ்வர்யா லெக்ஷ்மி நடித்த இந்தப் படத்தை செல்ல ஐய்யாவு இயக்கியுள்ளார். மேலும் கருணாஸ், முனீஷ்காந்த், காளி வெங்கட் உள்ளிட்ட பலர் நடித்திருந்த கட்டா குஸ்தி, காமெடி ஜானரில் கமர்சியலாக உருவாகியிருந்தது. பழைய ஹீரோயிசம் மரபுகளை உடைத்து விளையாட்டில் பெண்களுக்கு முக்கியத்துவம், பெண் சுதந்திரம் என்பதை குஸ்தியின் பின்னணியில் இயக்கியிருந்தார் செல்ல ஐய்யாவு.

ஐஸ்வர்யாவின் ஆக்‌ஷன் அதகளம்

தமிழ் சினிமாவில் காட்டப்படும் வழமையான நாயகியாக இல்லாமல் ஐஸ்வர்யா லக்‌ஷ்மி ஆக்‌ஷனில் அதகளம் செய்திருந்தார். குஸ்தி சாம்பியனாக மாஸ் காட்டிய ஐஸ்வர்யாவின் நடிப்புக்கு ரசிகர்களிடம் நல்ல வரவேற்பு கிடைத்தது. குறிப்பாக கோயில் முன்பு ரவுடி கும்பலிடம் மாட்டிய தன் கணவன் விஷ்ணு விஷாலை காப்பாற்றும் காட்சியில் ஆக்‌ஷனில் வெறித்தனமாக தூள் கிளப்பியிருப்பார். விஷ்ணு விஷாலும் நாயகிக்கு முக்கியத்துவம் உள்ள படத்தில் ஹீரோவாக நடித்து ஸ்கோர் செய்திருந்தார். பாசிட்டிவான விமர்சனங்களால் நல்ல ஓப்பனிங் கிடைத்த கட்டா குஸ்தி, பாக்ஸ் ஆபிஸில் 30 கோடி ரூபாய் வரை வசூலித்தது.

யூடியூப்பில் ரிலீஸ்

திரையரங்குகளைத் தொடர்ந்து நெட்பிளிக்ஸ் ஓடிடியிலும் கட்டா குஸ்தி வெளியானது. தியேட்டரில் இந்தப் படத்தை பார்க்க முடியாமல் மிஸ் செய்த ரசிகர்கள் நெட்பிளிக்ஸ் தளத்தில் குடும்பத்துடன் கண்டு ரசித்தனர். தொடர்ந்து நெட்பிளிக்ஸில் ட்ரெண்டிங்கில் இருக்கும் கட்டா குஸ்தி திரைப்படம் தற்போது யூடியூப்பில் வெளியாகி அதிர்ச்சியடைய வைத்துள்ளது.

HD குவாலிட்டியில் கட்டா குஸ்தி

அதுவும் தரமான HD குவாலிட்டியில் கட்டா குஸ்தி திரைப்படம் யூடியூப்பில் வெளியாகியுள்ளது. இதனை சற்றும் எதிர்பார்க்காத ரசிகர்கள் கட்டா குஸ்தி திரைப்படத்தை யூடியூப்பில் பார்த்து ரசித்து வருகின்றனர். அதேநேரம் இதுவரை படக்குழு தரப்பில் இருந்து எதுவும் நடவடிக்கை எடுத்ததாக தெரியவில்லை. விஷ்ணு விஷாலின் கட்டா குஸ்தி படத்தை தமிழ்நாட்டில் உதயநிதியின் ரெட் ஜெயன்ட்ஸ் நிறுவனம் திரையரங்குகளில் வெளியிட்டது குறிப்பிடத்தக்கது.