உலகமே எதிர்த்தாலும்... சாதனை படைத்தது விவேகம் டீஸர்!

ரசிகர்கள் எதிர்பார்ப்பு :

சில நாட்களுக்கு முன்னர், விவேகம் டீஸர் இன்னும் 17,000 லைக்குகள் பெற்றால் முதலிடத்தில் இருக்கும் ஸ்டார் வார்ஸ் - தி லாஸ்ட் ஜெடி டீஸரை முந்தி சாதனை படைக்கும் என எதிர்பார்க்கப்பட்டது.

தெறிக்கவிட்ட ரசிகர்கள் :

அஜித் ரசிகர்கள் 3 நாட்களுக்குள் அந்த 17,000 லைக்குகளை விவேகம் டீஸருக்கு அளித்து புதிய உலக சாதனையை அந்த டீஸர் படைக்க வைத்துள்ளனர். தற்போது ஸ்டார் வார்ஸ் - தி லாஸ்ட் ஜெடி டீசர் 5,72,000 லைக்ஸ் பெற்ற நிலையில், விவேகம் டீஸர் 5,73,000 லைக்குகளை எட்டியிருக்கிறது.

இந்தியப் படம் :

உலகத் திரைப்பட வரலாற்றில், ஒரு படத்தின் டீஸரில், அதிக லைக்குகளைப் பெற்றுள்ள இந்தியப் படம் அதுவும் ஒரு தமிழ்ப் படம் என்கிற பெருமை அஜித் நடித்துள்ள விவேகம் திரைப்படத்திற்குக் கிடைத்துள்ளது.

வ்யூவ்ஸ் :

விவேகம் டீசருக்கு இதுவரை 20 மில்லியனுக்கும் அதிகமான பார்வைகள் கிடைத்துள்ளன. ஆனால், ஸ்டார் வார்ஸ் - தி லாஸ்ட் ஜெடி டீசருக்கு 39 மில்லியன் பார்வைகள் கிடைத்துள்ளன. அந்த விதத்தில் பார்த்தால் ஸ்டார் வார்ஸ் டீசரை விட பாதி அளவே கிடைத்துள்ள பார்வைகள் எண்ணிக்கையில் விவேகம் டீசர் அதிக லைக்குகளைப் பெற்று சாதனை படைத்துள்ளது.

டிஸ்லைக்கும் அதிகம் :

'Star wars' டீஸருக்கு 26,000+ டிஸ்லைக்குகள் கிடைத்திருக்கின்றன. விவேகம் டீஸருக்கு 81,000+ டிஸ்லைக்குகள் அளிக்கப்பட்டிருக்கின்றன என்பதும் குறிப்பிடத்தக்கது.

தல - மாஸ் :

இதன்மூலம் உலகளவில் டீசரில் அதிக லைக்குகள் பெற்று சாதனை படைத்த முதல் இந்திய நடிகர் என்ற பெருமையும் நடிகர் அஜித்திற்கு கிடைத்திருக்கிறது. இந்த மகிழ்ச்சியை அஜித் ரசிகர்கள் கொண்டாடி வருகிறார்கள்.