பெரும் விலைக்குப் போன விவேகம் கேரள உரிமை... புலிமுருகன் தயாரிப்பாளருக்கு ஜாக்பாட்!

கேரள உரிமை

இப்படத்தின் கேரள உரிமையைப் பெரும் விலைகொடுத்து வாங்கியுள்ளது முலக்குப்படம் பிலிம்ஸ் நிறுவனம். இந்நிறுவனம் தான் சமீபத்தில் பெரும் வசூல் சாதனை புரிந்த 'புலிமுருகன்' படத்தை தயாரித்தது. விவேகம் படம் மூலம் பெரும் வசூல் கிடைக்கும் என நம்பிக்கை தெரிவித்துள்ளது இந்த நிறுவனம்.

போட்டி

சிவா இயக்கத்தில் அஜித் நடித்த 'வேதாளம்' படம் விநியோகஸ்தர்களுக்கு நல்ல லாபம் கொடுத்தது. இதனால், 'விவேகம்' படத்துக்கு தமிழக உரிமையை கைப்பற்ற கடும் போட்டி நிலவியது. சென்னை உரிமையை ஜாஸ் சினிமாஸ் வாங்கியுள்ளது.

வரவேற்பு

சத்யஜோதி நிறுவனம் தயாரிப்பில் உருவாகியுள்ள இப்படத்தில் காஜல் அகர்வால், விவேக் ஓபராய், அக்‌ஷரா ஹாசன் உள்ளிட்ட பலர் அஜித்துடன் நடித்துள்ளார்கள். அனிருத் இசையமைத்துள்ளார். சமீபத்தில் வெளியிடப்பட்ட 'சர்வைவா' பாடலுக்கு ரசிகர்கள் மத்தியில் பெரும் வரவேற்பு கிடைத்திருப்பது குறிப்பிடத்தக்கது.

அடுத்த படம்

'விவேகம்' படத்தின் பணிகள் முடிவடையும் நிலையில் உள்ளது. அஜித் டப்பிங் பேச வேண்டியதுதான் பாக்கி. எனவே விரைவில் அஜித்தின் அடுத்த பட இயக்குநர் யார் என்பது தெரிந்துவிடும்.