கருணாநிதி, ஏ.ஆர்.ரஹ்மானை சந்தித்த நடிகர் விவேக்!

நடிகர் விவேக்

முன்னாள் குடியரசுத் தலைவர் அப்துல்கலாம் கேட்டுக்கொண்டதற்கிணங்க, கிரீன் கலாம் எனும் அமைப்பை தொடங்கி தமிழகம் முழுவதும் ஒரு கோடி மரங்கள் நடும் திட்டத்தைச் செயல்படுத்தி வருகிறார் நகைச்சுவை நடிகர் விவேக்.

ரஜினிக்கு வாழ்த்து

சமூகப் பணிகளில் நாட்டம் கொண்ட விவேக், அரசியல் ரீதியான கருத்துகளை படங்களில் மட்டுமல்லாது தனது ட்விட்டர் பக்கத்திலும் வெளியிடுவார். சமீபத்தில் ரஜினிகாந்த் அரசியல் கட்சி தொடங்கும் முடிவுக்கு வாழ்த்து தெரிவித்திருந்தார் விவேக்.

கருணாநிதியைச் சந்தித்த விவேக்

விவேக், சமீபத்தில் தி.மு.க தலைவர் மு.கருணாநிதியைச் சந்தித்துள்ளார். அப்போது எடுத்த புகைப்படத்தை தனது தனது ட்விட்டர் பக்கத்தில் வெளியிட்டுள்ளார். "உலக மூத்த அரசியல் மேதை; எழுத்தாளர்; பேச்சாளர்; மொழி அறிஞர்; கவிஞர்; தமிழைச் செம்மொழி ஆக்கியவர்; சுறுசுறுப்பின் வடிவம்; உழைப்பின் உருவம்" எனக் குறிப்பிட்டுள்ளார் விவேக்.

விவேக் - ஏ.ஆர்.ரஹ்மான் சந்திப்பு

நேற்று இசைப் புயல் ஏ.ஆர்.ரஹ்மானை சந்தித்து புத்தாண்டு வாழ்த்துச் சொல்லியிருக்கிறார் விவேக். தான் நடத்தும் கிரீன் கலாம் வெப்சைட்டை ரஹ்மான் திறந்து பார்த்ததாகக் குறிப்பிட்டுள்ளார். 'ஒரு உயர்ந்த மகானின் கனவு நினைவாக ஒரு சிறந்த மனிதனின் பங்களிப்பு' எனக் குறிப்பிட்டுள்ளார்.