விமர்சனம் செய்ய நீ யாரு?..உருவ கேலி செய்தவருக்கு விஜே பார்வதி கோபமான பதிலடி!

விஜே பார்வதி

ஜர்னலிசம் படித்துள்ள விஜே பார்வதி, ஆரம்பத்தில் செய்தியாளராக பணியாற்றி உள்ளார். ஆர்ஜேவாக இருந்த பார்வதி மடக்கி மடக்கி கேள்வி கேட்கும் திறமைகொண்டவர். இவரின் அதிரடியான பேச்சை பார்த்து இவருக்கு என்று தனி ரசிகர் கூட்டமே உருவானது. ரேடியோ ஜாக்கியாக இருந்த இவர்,கலைஞர் தொலைக்காட்சியில் நாளைய இயக்குநர் நிகழ்ச்சியை தொகுத்து வழங்கினார். பின்னர் குக் வித் கோமாளி 2 உள்ளிட்ட நிகழ்ச்சிகளிலும் கலந்து கொண்டுள்ளார்.

சர்வைவர் நிகழ்ச்சியில்

யூடியூப் தளங்களில் பல்வேறு விதமான சர்ச்சைக்குள்ளான தலைப்புகளில் பேசி ரசிகர்களை தன்பக்கம் திருப்பினார். அண்மையில் ஜீ தமிழ் தொலைகாட்சியில் ஒளிபரப்பான ரியாலிட்டி ஷோ சர்வைவர் நிகழ்ச்சியில் கலந்து கொண்டார். அர்ஜுன் தொகுத்து வழங்கிய அந்த நிகழ்ச்சியில் ஆண்களுக்கு மத்தியில் கடுமையான டாஸ்கை அசால்டாக செய்து முடித்து, ரசிகர்களிடம் பாராட்டை பெற்றார்.

இணையத்தில் ஆக்டிவாக

சர்வைவர் நிகழ்ச்சிக்கு பிறகு இணையத்தில் ஆட்டிவாக இருக்கும் விஜே பார்வதி ஹீரோயின்களுக்கே டஃப் கொடுக்கும் வகையில் அதிரிபுதிரியான கவர்ச்சி புகைப்படங்களை வெளியிட்டு வருகிறார். அவ்வப்போது, இன்ஸ்டாகிராமில் நேரலையிலும் பேசி வருகிறார். இதனால், இணையத்தில் ஏராளமான ரசிகர்கள் இவரை பின்தொடர்ந்து வருகின்றனர்.

மோசமான கமெண்ட்

இந்நிலையில், விஜே பார்வதி வீட்டில் வொர்க் அவுட் செய்யும் போட்டோவை போட்டிருந்தார். இந்த போட்டோவில் அவர் ஜிம்மில் பயன்படுத்தும் உடையை அணிந்துள்ளார். இதைப் பார்த்த நெட்டிசன் ஒருவர், கொடுமைடா சாமி, நல்லா பிட்டா இருந்து போட்டோ போட்டா ஓகே, ஆனா இப்படி கர்ப்பமான பன்னி மாதிரி இருந்துட்டு முடியல என மோசமாக கமெண்ட் செய்திருந்தார்.

கோபமான பதிலடி

இந்த கமெண்டை பார்த்து கடுப்பான பார்வதி, என் தொப்பையை பற்றி கமெண்ட் வரும் என்று எனக்கு தெரியும். பெண்கள் எப்போதும் அழகான உடல் ஷேப்புடன் தான் இருக்க வேண்டுமா? அழகின் தரத்தை தீர்மானிப்பதற்கு நீ யார்? இப்படி கமெண்ட் செய்யும் நீங்கள் ஃபிட்டாக இருக்கீங்களா? என்று கேள்வி எழுப்பியுள்ள பார்வதி, நான் தொடர்ந்து இந்த தொப்பையுடன் பதிவுகளை போடுவேன்.

என் இஷ்டம்

என்னுடைய உடலை கட்டுக்கோப்பாக வைத்திருப்பதும், வைத்திருக்காததும் என்னுடைய இஷ்டம் தொப்பையுடன் இருப்பதும், அதோடு புகைப்படத்தை பதிவிடுவதும் என்னுடைய இஷ்டம். நீ சந்தோஷமாக இருப்பதற்காக எல்லாம் என்னால அழகான போட்டோவை பதிவு செய்ய முடியாது. இது என்னுடைய உடம்பு என்னுடைய அக்கவுண்ட், என்னுடைய இஷ்டம் என குறிப்பிட்டுள்ளார்.