ஆமா.. இவ்வளவு பொறி பறக்குதே.. அட்லி எங்கே?

ஏகப்பட்ட காட்சிகள்

ஏகப்பட்ட காட்சிகளை ஷூட் செய்துள்ளாராம் அகில். கிட்டத்தட்ட 2 படமாக பிரிக்கலாம் என்று கூறும் அளவுக்கு வளைத்து வளைத்து எடுத்துள்ளார். அது போதாதென்று ஏகப்பட்ட ஆர்ட்டிஸ்ட்டுகள் வேறு. எல்லோரையும் வைத்து போட்டுக் குழப்பியதால் கடைசியில் எதை வைப்பது எதை எடுப்பது என்பதில் குழப்பமாகி விட்டது. இதில் பல காட்சிகள் வெட்டுப்பட்டுப் போய் விட்டன.

தாறுமாறு செலவு

இப்படி பெரிய அளவில் காட்சிகளைப் படமாக்கி விளையாடியதால் செலவும் கூடி விட்டது. இந்த நிலையில் தயாரிப்புத் தரப்பு எழுதிய சம்பளக் கணக்குதான் வருமான வரித்துறையின் கழுகுக் கண்களில் சிக்கியுள்ளது. காரணம் சில சம்பளத்தைப் பார்த்து, இது எப்படி இவ்வளவு கொடுத்தீங்க, ரசீதுகளைக் கொடுங்க என்று கேட்க குழப்பமாகியுள்ளது தயாரிப்புத் தரப்பு.

எகிறிய சம்பளம்

பல வேலைகளை அவுட்சோர்சிங் போல செய்துள்ளது தயாரிப்புத் தரப்பு. அது சினிமாவில் வழக்கமானதுதான். ஆனால் அவர்கள் தாக்கல் செய்த சம்பளக் கணக்குதான் தயாரிப்புத் தரப்பையும் சேர்த்து சிக்கலுக்குள்ளாக்கி விட்டதாம். வழக்கமாக காஸ்ட்யூம், துணை நடிகர்கள் போன்றோருக்கு தரப்படும் சம்பளத்தை விட பல மடங்கு அதிகமாக அதாவது கோடிக்கணக்கில் கொடுத்ததாக கணக்கு கூறப்பட்டதுதான் சந்தேகத்திற்குக் காரணமாம்.

எங்கே அட்லி

இந்த இடத்தில் விஜய் உள்பட பலரையும் வளைத்து வளைத்து விசாரணை நடத்திய வருமான வரித்துறை இன்னும் அட்லி பக்கம் திரும்பவில்லை. அவரது சம்பளம் உள்ளிட்டவை குறித்தும் அவரிடம் விசாரணை நடத்தப்பட்டதாக தெரியவில்லை. விளக்கம் கேட்டுள்ளனரா என்றும் தெரியவில்லை. ஆனால் அட்லியும் அதுகுறித்துக்கவலைப்படவில்லை. அவர் தற்போது தனது புதிய படம் தொடர்பான வேலைகளில் படு பிசியாக இருக்கிறாராம்.

எதையோ தேடுகிறார்கள்

ஆனால் வருமான வரித்துறை எதையும் லேசில் விடுவதாக தெரியவில்லை. தோண்டிக் கொண்டே இருக்கின்றனராம். ஏதாவது கிடைக்குமா என்று தேடிக்கொண்டே இருக்கின்றனராம். தர்பார் படத்தில்.. எதையோ தேடுகிறார்.. ஆனால் எதைத் தேடுகிறார் என்று தெரியவில்லை என்று வருமே.. அந்த வசனம் போல ஐடியும் எதையோ தேடிக் கொண்டிருக்கிறது.. எப்ப கிடைக்குமோ தெரியவில்லை.. !