டோலிவுட் போகும் ஷங்கர்: யார் அந்த அதிர்ஷ்டக்கார ஹீரோ?

சென்னை: ஷங்கர் விரைவில் தெலுங்கில் நேரடிப் படம் ஒன்றை இயக்க உள்ளார்.

விக்ரம், ஏமி ஜாக்சனை வைத்து ஷங்கர் இயக்கிய ஐ படத்தின் தெலுங்கு டப்பிங்கான மனோகருடுவின் இசை வெளியீட்டு விழா அண்மையில் ஹைதராபாத்தில் எளிமையாக நடைபெற்றது. விழாவில் கலந்து கொண்டவர்கள் ஷங்கரையும், அவரது படைப்புகளையும் பாராட்டினார்கள்.

விழாவில் பேசிய ஷங்கர் தான் விரைவில் நேரடி தெலுங்கு படத்தை இயக்க உள்ளதாக தெரிவித்தார். தெலுங்கு படத்தை இயக்கும் ஆசை இருந்தும் அது பல காரணங்களால் இதுவரை கைகூடவில்லை என்றார் ஷங்கர்.

முன்னதாக அவர் சிரஞ்சீவியை வைத்து தெலுங்கு படம் எடுக்க இரண்டு முறை முயற்சி செய்தும் நடக்கவில்லை. இந்நிலையில் தான் அவர் தற்போது தெலுங்கு படத்தை இயக்க உள்ளார்.

ஷங்கரின் தெலுங்கு படத்தில் நடிக்கும் வாய்ப்பு எந்த ஹீரோவுக்கு கிடைக்கப் போகிறதோ?

கோலிவுட்டில் ஷங்கரின் இயக்கத்தில் அல்லது அவரது தயாரிப்பிலாவது ஒரு படத்தில் நடித்துவிட வேண்டும் என்ற ஆசை பல நடிகர்களுக்கு உள்ளது என்பது குறிப்பிடத்தக்கது.