யார் அந்த கருப்பு ஆடு? சத்தியம் வாங்கியும் கண்டுபிடிக்க முடியலையே.. பிக்பாஸ் தேர்தல் களேபரம்!

என்கேஎம்பி கட்சி வெற்றி

இந்நிலையில் நேற்றைய எபிசோடில் பிக்பாஸ் வீட்டில் வாக்குப்பதிவு நடைபெற்றது. இதில் கூட்டணி கட்சிகளான என்கேஎம்பி கட்சி 7 வாக்குகளையும் பிரியங்காவின் உரக்க சொல் கட்சி 5 வாக்குகளையும் பெற்றது. இதன்மூலம் இரண்டு வாக்குகள் வித்தியாசத்தில் என்கேஎம்பி கட்சி வெற்றி பெற்றது.

அந்த ஒரு ஓட்டு யாருடையது?

இரண்டு கட்சிகளும் கூட்டணி வைத்ததால் ஒரே தலைவராக இமான் அண்ணாச்சி தேர்வு செய்யப்பட்டார். இதனை தொடர்ந்து பிரியங்காவின் உரக்க சொல் கட்சிக்கு போடப்பட்ட அந்த ஒரு வாக்கு யாருடையது என தீவிர விவாதத்தில் ஈடுபட்டனர் ஹவுஸ்மேட்ஸ்.

உலக உருண்டையின் மீது சத்தியம்

கூட்டணிக்குள் இருந்தே ஓட்டை மாற்றிப்போட்ட அந்த கருப்பு ஆடு யார் என்று கண்டுபிடிக்கும் பணியிலும் இறங்கினர் ஹவுஸ்மேட்ஸ். இதற்காக உலக உருண்டையின் மீது கை வைத்து ஹவுஸ்மேட்ஸிடம் சத்தியம் வாங்கினர். எல்லோரும் சத்தியம் செய்ததால் கடைசி வரை யார் ஓட்டை மாற்றி எதிர்க்கட்சிக்கு போட்டார்கள் என்ற உண்மை வெளியாகவில்லை.

கடைசி வரை தெரியவில்லை

இருப்பினும் ராஜுதான் ஓட்டை மாற்றி போட்டிருப்பார் என சந்தேகித்தனர் ஹவுஸ்மேட்ஸ். ஆனால் டைனிங் ஏரியாவில் அமர்ந்து பேசிய ராஜு, யார் அப்படி செய்தது என சஞ்சீவ்வுடன் சீரியஸாக டிஸ்கஸ் செய்ததால் அவர் தானா என்ற குழப்பமும் ஏற்பட்டது. இதனால் யார் ஓட்டை மாற்றி போட்டார்கள் என்ற உண்மை கடைசி வரை தெரியவில்லை.