சுதா கொங்கராவின் அடுத்த ஹீரோ சூர்யாவா? சிம்புவா? அஜித்தா?...அவரிடமே கேட்போம்

சிம்புவை இயக்க போகிறாரா சுதா கொங்கரா

இந்த சமயத்தில் சுதா கொங்கரா, அடுத்ததாக நடிகர் சிம்புவை இயக்க போகிறார். கேஜிஎஃப், கேஜிஎஃப் 2 படங்களை தயாரித்த ஹம்பாலே ஃபிலிம்ஸ் தயாரிக்கும் இந்த புதிய படத்தில் நடிக்க சிம்புவிடம் கேட்கப்பட்டு வருவதாக மீடியாக்களில் தகவல் பரவியது. மற்றொரு புறம், சுதா கொங்கரா அடுத்ததாக அஜித் நடிக்கும் படத்தை இயக்க போகிறார். ஏகே 63 படத்தை தான் சுதா இயக்க போகிறார் என்றும் தகவல் பரவி வருகிறது.

யாரை அடுத்து இயக்க போகிறார்

ஆனால் சுதா கொங்கரா, மீண்டும் சூர்யாவை வைத்து மற்றொரு படத்தை இயக்க போவதாகவும், இதுவும் உண்மை சம்பவ அடிப்படையிலான பயோபிக் படம் தான் என்றொரு தகவலும் பல மாதங்களாக பரவி வருகிறது. இதனால் சுதா கொங்கரா அடுத்து யாரை இயக்க போகிறார். சூர்யா, அஜித், சிம்பு மூவரில் யார் ஹீரோ என்ற குழப்பம் அனைவரிடமும் ஏற்பட்டுள்ளது.

சூர்யா 43 ஷுட்டிங் எப்போ

இது பற்றி சமீபத்திய பேட்டி ஒன்றில் சுதா கொங்கராவிடமே கேட்கப்பட்டது. அதற்கு அவர், சிம்புவை இயக்க போவதாக வந்த வதந்திகளை நானும் கேட்டேன். தற்போது சிம்புவுடன் நான் பணியாற்றவில்லை. அடுத்ததாக சூர்யா படத்தை தான் நான் இயக்க போகிறேன். தற்போது நாங்கள் இருவரும் கமிட்டாகி உள்ள படங்களை முடித்த பிறகு தான் சூர்யா 43 வேலைகள் எப்போது துவங்கப்படும் என முடிவு செய்யப்படும் என்றார்.

ஹீரோவிற்காக கதை எழுதுவீங்களா

நீங்கள் கதை தயாரிக்கும் போது ஹீரோவை மனதில் வைத்து, அவருக்கானது என முடிவு செய்து தான் கதை எழுதுவீர்களா என கேட்கப்பட்டது. இதற்கு சற்றும் தயக்கமின்றி உடனடியாக பதிலளித்த சுதா கொங்கரா, நான் ஒரு போதும் அப்படி செய்வதில்லை. உதாரணமாக சூரரைப் போற்று படத்தில் சூர்யா, புகைபிடிப்பது போன்ற ஒரு காட்சி உள்ளது. ஆனால் நிஜத்தில் சூர்யா புகைபிடிக்க மாட்டார். கெட்ட வார்த்தை பேசுவது போன்ற சீனும் உள்ளது.

அடுத்த பட கதை இதுதான்

கதைக்கு தேவைப்படும் பட்சத்தில் மட்டுமே சில விஷயங்களை சேர்ப்போம். சண்டைக்கட்சிகளும் கூட தேடைப்பட்டால் தான் சேர்ப்பேன். தென்னிந்தியாவில் உருவான முதல் மூன்று பெண் டாக்டர்களின் கதையை படமாக உருவாக்க போகிறேன். இதுவும் உண்மை சம்பவ அடிப்படையிலானது தான். இன்னும் இறுதி செய்யப்படவில்லை என்றார்.

அஜித் படம் கன்ஃபார்ம் தானா

அதே சமயம் சமீபத்தில் பிரஷ் மீட் ஒன்றில் பேசிய சுதா கொங்கரா, அஜித் உடனான படம் பற்றி கேட்டதற்கு நிச்சயம் பண்ணுவோம். ஒவ்வொன்றாக செய்வோம்.ஒரு படத்தை முடிக்க எனக்கு 3 வருடங்கள் தேவைப்படுகிறது. ஒரு படத்தை முடித்த பிறகு தான் மற்றொரு படத்தை துவக்க முடியும் என்றார். இதனால் சுதா கொங்கரா - அஜித் படமும் கன்ஃபார்ம் என்றே சொல்லப்படுகிறது.