தனுஷின் திருச்சிற்றம்பலம் படத்தை ஏன் பார்க்கணும்?...இந்த காரணத்திற்காக தான்

தனுஷின் கூல் லுக்

திருச்சிற்றம்பலம் படத்தில் ஃபுட் டெலிவரி பாய் ரோலில் தனுஷ் நடித்துள்ளார். ஃபுட் டெலிவரி ஏஜன்ட்களுக்கு கொடுக்கப்படும் டார்கெட், அவற்றை கடக்க அவர்கள் எதிர்கொள்ளும் பிரச்சனை பற்றி இந்த படத்தில் காட்டி உள்ளனர். ரொமான்ஸ், காமெடி, எமோஷன், ஆக்ஷன் என ரசிகர்களையும், குடும்ப ரசிகர்களையும் கவரும் வகையிலான அம்சங்கள் இந்த படத்தில் உள்ளன.

மூன்று ஹீரோயின்கள்

நித்யா மேனன், ப்ரியா பவானிசங்கர், ராஷி கன்னா என மூன்று அழகான ஹீரோயின்கள் இந்த படத்தில் உள்ளனர். நித்யா மேனன், தனுஷின் சிறு வயது தோழி. ப்ரியா மற்றும் ராஷி, தனுஷை காதலிக்கும் பெண்கள். ஆனால் கடைசியில் தனுஷிற்கு யார் ஜோடி என்பது தான் படத்தின் மிகப் பெரிய சர்ப்ரைஸ்.

பிரகாஷ் ராஜ் - பாரதிராஜா காம்போ

பிரகாஷ் தனுஷின் அப்பாவாகவும், பாரதி ராஜா தனுஷின் தாத்தாவாகவும் நடித்துள்ளனர். பிரகாஷ் ராஜ் - பாரதி ராஜாவின் காம்போ ரசிகர்களை நிச்சயம் ரசிக்க வைத்துள்ளது. இருவருமே சம அளவில் முக்கியத்துவம் வாய்ந்த ரோல்களில் நடித்துள்ளனர்.

தனுஷ், அனிருத்தின் ரீ யூனியன்

திருச்சிற்றம்பலம் படத்திற்கு அனிருத் இசையமைத்துள்ளார். தங்கமகன் படத்திற்கு பிறகு இவர்களின் காம்போ மீண்டும் இணைந்துள்ள படம். இந்த படத்தில் தனுஷ் 2 பாடல்கள் பாடி உள்ளார். தனுஷ், அனிருத் மீண்டும் இணைந்துள்ள திருச்சிற்றம்பலம் பட பாடல்கள் ஏற்கனவே ரசிகர்களை ரசிக்க வைத்துள்ளது.

நான்காவது முறையாக கூட்டணி

டைரக்டர் மித்ரன் ஜவஹர் இயக்கத்தில் தனுஷ் நடிக்கும் நான்காவது படம் திருச்சிற்றம்பலம். இதற்கு முன் தனுஷ் நடித்த யாரடி நீ மோகினி, குட்டி, உத்தமபுத்திரன் என வரிசையாக 3 படங்களை இயக்க ஹிட் ஆக்கினார். இந்த 3 படங்களும் தெலுங்கு படங்களின் ரீமேக் தான். காமெடி, குடும்ப சென்டிமென்ட் என ரசிகர்களை கவர்ந்த இந்த காம்போ மீண்டும் இணைந்துள்ளதால் எதிர்பார்ப்பு கொஞ்சம் அதிகமாகவே உள்ளது. ரசிகர்களை ஏமாற்றாமல் ரசிகர்களை தியேட்டருக்கு வரவைக்கும் ஒரு நல்ல படத்தை வழங்கி உள்ளனர்.