வாரிசு இசை வெளியீட்டிலும் காணோம்.. வளைகாப்பு நிகழ்ச்சியிலும் காணோம்.. எங்கே போனார் சங்கீதா விஜய்?

விஜய்யின் ரசிகை

நெஞ்சில் குடியிருக்கும் என நடிகர் விஜய் தனது ரசிகர்களை பார்த்து ஒன்றும் சும்மா சொல்லவில்லை. உண்மையாகவே ரசிகர்கள் மீதும் ரசிகைகள் மீதும் அவர் அளவு கடந்த அன்பு வைத்துள்ளார். அதற்கு உதாரணமாக தனது ரசிகையான சங்கீதா விஜய்யையே அவர் திருமணம் செய்து கொண்டது குறிப்பிடத்தக்கது. நடிகர் விஜய்யின் வெற்றிக்கு பக்க பலமாக இத்தனை ஆண்டுகள் இருந்து வருகிறார் சங்கீதா விஜய்.

ஆடியோ லாஞ்சுக்கு வரல

நடிகர் விஜய்யின் சினிமா விழாக்களுக்கு முதல் ஆளாக வந்து ஆஜர் ஆகிவிடுவார் அவரது மனைவி சங்கீதா விஜய். ஆனால், இந்த முறை வாரிசு இசை வெளியிட்டு விழாவில் அவர் கலந்து கொள்ளவில்லை. நடிகர் விஜய்யின் மனைவி ஏன் இந்த நிகழ்ச்சியில் பங்கு பெறவில்லை என்கிற கேள்வி கோடம்பாக்கத்திலும் சமூக வலைதளங்களிலும் பூதாகரமாக எழுந்துள்ளது.

வளைகாப்பு விழா

இயக்குநர் அட்லியின் மனைவி பிரியா அட்லியின் வளைகாப்பு விழாவில் கூட சங்கீதா விஜய் பங்கேற்கவில்லை. நடிகர் விஜய் மட்டுமே தனியாக சென்று போட்டோ ஒன்றை பரிசாக வழங்கி விட்டு வந்தார். தொடர்ந்து நடிகர் விஜய் உடன் பொது இடங்களில் சங்கீதா விஜய்யை பார்க்க முடியவில்லையே என்பது சர்ச்சையை கிளப்பியது.

குழந்தைகளுடன் உள்ளார்

நியூ இயர் கொண்டாட்டத்தை முன்னிட்டு லண்டனில் தனது குழந்தைகளுடன் புத்தாண்டை சங்கீதா விஜய் கொண்டாடினார் என்றும் வாரிசு இசை வெளியீட்டு விழா முடிந்ததும் நடிகர் விஜய்யும் லண்டன் சென்று குடும்பத்தினருடன் நியூ இயர் கொண்டாடினார் என்றும் தகவல்கள் வெளியாகி உள்ளன. வாரிசு இசை வெளியீட்டு விழாவில் நடிகர் விஜய்யின் குழந்தைகளும் கலந்து கொள்ளவில்லை என்பது குறிப்பிடத்தக்கது.

சங்கீதா இருந்திருந்தால்

நடிகர் விஜய்யின் மனைவி சங்கீதா விஜய் இருந்திருந்தால் வாரிசு இசை வெளியீட்டு விழாவுக்கு நடிகர் விஜய்யின் சிகை அலங்காரம், உடைகளை எல்லாம் கவனித்து அனுப்பி வைத்திருப்பார் என்றும் தேவையில்லாத சர்ச்சைகள், பேச்சுக்கள் எல்லாம் கிளம்பி இருக்காது என்றும் விஜய் ரசிகர்கள் கமெண்ட் போட்டு வருகின்றனர்.

வாரிசு ட்ரெய்லர்

நடிகர் விஜய்யின் வாரிசு ட்ரெய்லர் புத்தாண்டுக்கு வெளியாகும் என எதிர்பார்க்கப்பட்ட நிலையில், இறுதி கட்ட பணிகள் இன்னமும் முடியவில்லையாம். ஜனவரி 4ம் தேதி வாரிசு ட்ரெய்லர் வெளியாகும் என எதிர்பார்க்கப்படுகிறது. விரைவில் தில் ராஜு அது தொடர்பான அறிவிப்பை வெளியிடுவார் என எதிர்பார்க்கப்படுகிறது.