கலைப்புலி எஸ் தாணு தயாரிப்பில் 5வது முறையாக இணைகிறதா சீனு ராமசாமி - விஜய் சேதுபதி கூட்டணி?

Updated: Monday, June 14, 2021, 20:35 [IST]

சென்னை: விஜய் சேதுபதி, காயத்ரி சங்கர் ஆகியோர் நடிப்பில் தயாராகியுள்ள திரைப்படம் மாமனிதன்.

சீனு ராமசாமி இந்த படத்தை இயக்கியுள்ளார். இந்தப் படத்திற்கு இளையராஜா மற்றும் யுவன் சங்கர் ராஜா இணைந்து இசை அமைத்துள்ளனர்.

இதை தொடர்ந்து மற்றுமொறு படத்தில் விஜய் சேதுபதி & சீனு ராமசாமி இணைய உள்ளதாக தகவல்கள் தெரிவிக்கின்றன.

கொரோனா தொற்று

விஜய் சேதுபதியின் நடிப்பில் சம்மரில் நான்கு திரைப்படங்கள் வெளிவரவிருந்தன. துக்ளக் தர்பார், லாபம், யாதும் ஊரே யாவரும் கேளீர் & மாமனிதன். இத்துடன் கடைசி விவசாயி படமும் வெளியாகவிருந்த நிலையில் கொரோனா தொற்று காரணமாக படங்கள் ஏதும் ரிலிஸ் ஆகவில்லை.

பரவிய தகவல்

இந்நிலையில் பல திரைப்படங்கள் OTT ரிலீசுக்கு தயாராகின அந்த வரிசையில் கடைசி விவசாயி OTT ரிலீசுக்கு முன்வந்தது. மற்ற 4 படங்கள் குறித்து எந்த வித அறிவிப்பும் பரவலாக காணப்படவில்லை. மாமனிதன் படத்தில் இருந்து பாடல்கள் மட்டும் வெளியானது.

இரண்டு திரைப்படங்கள்

தற்போது கிடைத்துள்ள தகவல் படி கலைப்புலி எஸ் தாணு அவரது V கிரியேஷன்ஸ் சார்பில் தயாரிக்கும் இரண்டு திரைப்படங்களில் நடிக்க விஜய் சேதுபதி ஒப்பந்தம் செய்யப்பட்டுள்ளதாக சொல்லப்படுகிறது. அதில் ஒரு படத்தை சீனு ராமசாமி இயக்கவுள்ளதாக தெரிகிறது.

அதிகாரப்பூர்வ அறிவிப்பு

இது நடந்தால் சீனு ராமசாமி - விஜய் சேதுபதி கூட்டணி 5வது முறையாக இணையும். இவர்களின் கூட்டணியில் இதற்கு முன் தென்மேற்குப் பருவக்காற்று , தர்மதுரை ஆகிய படங்கள் வெளிவந்துள்ளது. மாமனிதன் & இடம் பொருள் ஏவல் வெளிவரவுள்ளது. இது குறித்த அதிகாரப்பூர்வ அறிவிப்பை விரைவில் எதிர்பார்க்கலாம்.