பிக் பாஸ் தமிழ் 5 கிராண்ட் ஃபினாலே.. சிறப்பு விருந்தினர் யாரு தெரியுமா? பரபரக்கும் தகவல்!

முன்னாள் போட்டியாளர்கள் மட்டுமே

கடந்த பிக் பாஸ் தமிழ் சீசன் கிராண்ட் ஃபினாலே நிகழ்ச்சியில் எந்தவொரு நடிகரும் சிறப்பு விருந்தினராக பங்கேற்கவில்லை. அதற்கு பதிலாக முன்னாள் பிக் பாஸ் போட்டியாளர்களான கவின், ஷெரின் உள்ளிட்டோர் கலந்து கொண்டனர். இந்நிலையில், இந்த சீசனிலும் முன்னாள் போட்டியாளர்கள் தான் சிறப்பு அழைப்பாளர்களாக இருப்பார்கள் என எதிர்பார்க்கப்பட்டது.

தெறிக்கவிட்ட தெலுங்கு பிக் பாஸ்

சமீபத்தில் நிறைவடைந்த தெலுங்கு பிக் பாஸ் நிகழ்ச்சியில் ராஜமெளலி, ஆலியா பட், ரன்பீர் கபூர், நானி, ராஷ்மிகா மந்தனா, நாக சைதன்யா, சாய் பல்லவி, கீர்த்தி ஷெட்டி, தேவிஸ்ரீ பிரசாத் என ஏகப்பட்ட சினிமா பிரபலங்கள் கலந்து கொண்டனர். நடிகை ஸ்ரேயா எல்லாம் ஸ்பெஷல் டான்ஸ் ஆடி அரங்கை அதிர வைத்தார்.

தமிழிலும் எதிர்பார்ப்பு

தெலுங்கு பிக் பாஸ் கிராண்ட் ஃபினாலேவை பார்த்த ரசிகர்கள் தமிழ் பிக் பாஸ் கிராண்ட் ஃபினாலே நிகழ்ச்சியும் இதே அளவுக்கு இருக்குமா? இந்த முறை ஒரு சினிமா நடிகராவது பங்கேற்பாரா? என ஏகப்பட்ட எதிர்பார்ப்பில் ரசிகர்கள் உள்ளனர்.

இவங்களாம் இல்லை

நமீதா மாரிமுத்து, அபிஷேக் ராஜா, இமான் அண்ணாச்சி, மதுமிதா உள்ளிட்ட போட்டியாளர்கள் பிக் பாஸ் கிராண்ட் ஃபினாலே நிகழ்ச்சியில் பங்கேற்கவில்லை என்றும் கொரோனா பரவல் காரணமாக பல பேர் பங்கேற்க முடியாமல் போயுள்ளதாகவும் தகவல்கள் வெளியாகி உள்ளன.

ஆரிக்கு அழைப்பு இல்லை

கடந்த சீசன் பிக் பாஸ் டைட்டில் வின்னரான ஆரி அர்ஜுனன் இந்த கிராண்ட் ஃபினாலே நிகழ்ச்சியில் பங்கேற்பார் என ரசிகர்கள் பெரிதும் எதிர்பார்த்த நிலையில், தனக்கு விஜய் டிவி அழைப்பே விடுக்கவில்லை என பகிரங்கமாக ஒரு ட்வீட்டை போட்டு ரசிகர்களை அதிர்ச்சியடைய செய்துள்ளார்.

பாலாஜி முருகதாஸ் வருகிறார்

கொரோனா காரணமாக இந்த முறை அதிக நபர்களை அழைக்க முடியவில்லை என பாலாஜி முருகதாஸ் ட்வீட் போட்டு விஜய் டிவி சார்பாக ஆரியின் ட்வீட்டுக்கு விளக்கம் அளித்துள்ளார். மேலும், தான் பங்கேற்கிறேன் என்பதையும் எமோஜி போட்டு உறுதி செய்துள்ளார் பாலாஜி முருகதாஸ். பாவனியை பிக்பாஸ் வீட்டில் இருந்து பாலா வெளியே அழைத்து வருவாரா? என ரசிகர்கள் எதிர்பார்த்து வருகின்றனர்.

சிவகார்த்திகேயன் கம்மிங்

விஜய் டிவியின் நம்ம வீட்டுப் பிள்ளையான சிவகார்த்திகேயன் பிக் பாஸ் தமிழ் 5 கிராண்ட் ஃபினாலேவில் கலந்து கொள்ள போகிறார் என்கிற தகவல் கசிந்துள்ளது. டாக்டர், டான் என மெர்சல் காட்டி வரும் கோலிவுட்டின் புதிய 100 கோடி கிளப் ஹீரோ பிக் பாஸ் கிராண்ட் ஃபினாலேவுக்கு வருவது செம ஸ்பெஷல் தான் என்பது குறிப்பிடத்தக்கது.