ஆட்டத்தை துவக்கிய பீஸ்ட்...நோ டீசர்...ஸ்டிரைட்டா டிரைலர் தான்...எப்போ வருது?

5 மொழிகளில் பீஸ்ட்

பீஸ்ட் படத்தை பான் இந்தியன் படமாக வெளியிட சன் பிக்சர்ஸ் முடிவு செய்துள்ளது. தமிழ், தெலுங்கு, மலையாளம், கன்னடம், இந்தி என ஐந்து மொழிகளில் பீஸ்ட் ரிலீஸ் செய்யப்பட உள்ளது. இதற்கான போஸ்டர்கள் நேற்று வெளியிடப்பட்டன. தென்னிந்திய மொழிகளில் பீஸ்ட் என்று இருக்க, இந்தியில் மட்டும் இந்த படத்திற்கு 'ரா' என பெயரிடப்பட்டுள்ளது. இதனால் படத்தில் விஜய் ரா ஏஜென்ட்டாக நடித்துள்ளாரா என்ற சந்தேகம் எழுந்துள்ளது.

டீசர் எப்போப்பா வரும்

படத்தின் ரிலீஸ் தேதி நெருங்குவதால் ப்ரோமோஷன் வேலைகளை எப்போது துவக்க போகிறார்கள். டீசர் எப்போது வரும் என ரசிகர்கள் ஆவலாக காத்திருக்கிறார்கள். பீஸ்ட் படத்திற்கு ஆடியோ வெளியீட்டு விழா கிடையாது என சொல்லி விட்டதால் டீசரையாவது வெளியிடுங்கள் என ரசிகர்கள் கேட்டு வருகிறார்கள். இதற்காக ட்விட்டரில் உருவாக்கப்பட்ட BeastTeaser ஹேஷ்டேக் கடந்த ஒரு வாரமாக டிரெண்டிங்கில் இருந்து வருகிறது.

டீசருக்கு பதில் டிரைலரா

பீஸ்ட் டீசர் வெளியிட போகிறார்களா, இல்லையா என தெரியவில்லை. அதே சமயம் மார்ச் 31 ம் தேதி பீஸ்ட் டிரைலர் வெளியீடு பற்றிய அறிவிப்பு வெளியிடப்பட உள்ளதாம். ஏப்ரல் 2 ம் தேதி யுகாதி பண்டிகையை முன்னிட்டு பீஸ்ட் டிரைலர் வெளியிடப்படலாம் என எதிர்பார்க்கப்படுகிறது. தமிழ் உள்ளிட்ட 5 மொழிகளிலும் டிரைலரை ஒரே நாளில் வெளியிட போகிறார்களாம்.

வேற லெவல் பிளானா இருக்கே

ஆடியோ ரிலீசில் விஜய்யின் பேச்சை கேட்க ஆவலாக காத்திருந்த ரசிகர்களை ஏமாற்ற கூடாது என்பதால் ப்ரொமோஷன் விழாவில் விஜய் கலந்து கொண்டு பேச அதிக வாய்ப்புள்ளதாக கூறப்படுகிறது. பீஸ்ட் படத்திற்கு பெரிய அளவில் ப்ரோமோஷன் வேண்டும் என ரசிகர்கள் கேட்டு வருவதால் ஏப்ரல் முதல் வாரத்தில் இருந்து ப்ரொமோஷன் வேலைகள் துவங்கப்படும் என கூறப்படுகிறது.