'ஒரு கதவு திறக்குது’... நண்பனுக்காக பாட்டுப் பாடிய கௌதம் மேனன் !

இளைஞனின் கொண்டாட்டம்...

இப்பாடலை இசையமைப்பாளர் ஸ்டீவ் கேட்டுக் கொண்டதிற்கிணங்க இயக்குநர் கௌதம்மேனன் பாடியுள்ளார். இது தொடர்பாக ராதாமோகன் கூறுகையில், ‘இப்பாடல் ஒரு இளைஞனின் கொண்டாட்டத்தின் வெளிப்பாடாய் இருந்தது. கௌதம் அவர்களின் குரல் இந்த பாட்டிற்கு துள்ளலை தந்துள்ளது.

கௌதமின் நண்பர்...

இசையமைப்பாளர் ஸ்டீவ் கௌதமின் நண்பர். முதலில் இசையமைப்பாளர் ஸ்டீவ் வாட்ஸ், கௌதம் மூலமாகத்தான் எனக்கு அறிமுகமானார்.

சோலோ சாங்...

படத்தில் ஒரு சோலோ சாங் வைக்கலாம் என்று நானும் ஸ்டீவ் அவர்களும் முடிவு செய்தோம். இப்பாடலுக்கு புதிதாக ஒரு குரல் வேண்டும் என்று நினைத்தோம். கௌதம் மேனன் பாடினால் நன்றாக இருக்கும் என்று ஸ்டீவ் கூறினார்.

வியப்பு...

கௌதம் நன்றாகவே பாடுவார் என்று அறிந்து அவரை அணுகினோம். வியப்பிற்குள்ளான கௌதம் துளியும் தயங்காமல் எங்களையும் வியப்பில் ஆழ்த்தினார்.

ஒரு கதவு திறக்குது...

ஒரு வெற்றிக்கான முதல் அடியை எடுத்து வைக்கும் ஒருவனின் கொண்டாட்டமாய் வரும் ‘ஒருபுது கதவு திறக்குது...' என்ற பாடலை அதே துள்ளலுடனும், கொண்டாட்டத்துடனும் பாடிகொடுத்தார் கௌதம்.

கடற்கரைக் காற்று...

இப்பாடல் கடற்கரைக் காற்று போல் ரசிகர்களுக்கு புத்துணர்வை தரும்' என இவ்வாறு அவர் தெரிவித்தார்.