மாநாடு ஓடிடி, டிவி ரிலீஸ் எப்போ... வெளியான கலக்கல் தகவல்

கேம் சேஜ்சர்

மாநாடு படத்திற்கு கிடைத்துள்ள வரவேற்பால் சிம்புவிற்கு மட்டுமல்ல, தமிழ் சினிமாவிற்கே மிகப் பெரிய கேம் சேஜ்சராக இருக்கும் என பேசப்படுகிறது. டைம் லூப்பை மையமாகக் கொண்ட முதல் தென்னிந்திய படம் மாநாடு என்றே சொல்லலாம். இருந்தாலும் டைம் லூப்பை மிக சரியாக கையாண்டு வெற்றி பெற்றுள்ளார் டைரக்டர் வெங்கட் பிரபு.

விற்பனையாகாத உரிமம்

ரிலீசுக்கு முதல் நாள் வரை பிரச்சனை நடந்து கொண்டிருந்ததால், ரிலீசை ஒத்திவைப்பதாக தயாரிப்பாளர் சுரேஷ் காமாட்சி ட்வீட் செய்து விட்டார். ஆனால் ரசிகர்கள் கோபமடைந்து, கொந்தளித்து விட்டதால் இரவு முழுவதும் பேச்சுவார்த்தை நடத்தி, கடைசி நிமிடத்திலேயே மாநாடு படத்தின் ரிலீஸ் உறுதி செய்யப்பட்டது. இதனால் மாநாடு படத்தின் சேட்டிலைட் மற்றும் டிஜிட்டல் உரிமங்கள் விற்கப்படாமலேயே இருந்தன.

வாங்க போட்டா போட்டி

லேட்டஸ்ட் தகவலாக மாநாடு படம் ரிலீசாகி, நல்ல வரவேற்பை பெற்றுள்ளதால் டிவி மற்றும் ஓடிடி.,யில் ஒளிபரப்பாகும் உரிமங்கள் முடிவாகி விட்டனவாம். தியேட்டரில் ரிலீஸ் செய்யப்பட்ட பிறகு டிஜிட்டல் உரிமத்தை போட்டி போட்டுக் கொண்டு Sony Liv ம், சேட்டிலைட் உரிமத்தை ஸ்டார் விஜய்யும் வாங்கி உள்ளனவாம். முதலில் மாநாடு படத்தை வாங்க மறுத்த விஜய் டிவி, தற்போது அதிக விலை கொடுத்து சேடிலைட் உரிமத்தை வாங்கி உள்ளதாக கூறப்படுகிறது.

அப்போ ஓடிடி ரிலீஸ்

தியேட்டரில் ரிலீஸ் செய்யப்பட்டு 3 நாட்கள் மட்டும் ஆகி உள்ளது. முதல் இரண்டு நாட்களில் தமிழகத்தில் மாநாடு படம் 14 கோடிகளை வசூல் செய்திருப்பதாக தயாரிப்பாளர் சுரேஷ் காமாட்சியே நேற்று அப்டேட் வெளியிட்டிருந்தார். இதனால் தியேட்டரில் ரிலீஸ் செய்யப்பட்டு 4 வாரங்கள் நிறைவடைந்த பிறகே ஓடிடி.,யில் ரிலீஸ் செய்யப்பட உள்ளதாம்.

Recommended Video

Maanaadu Review | Yessa ? Bussa ? | Silambarasan | S J Suryah | Venkat Prabhu | Filmibeat Tamil

டிவி ரிலீஸ் எப்போ தெரியுமா

அதே போல் மூன்று மாதங்களுக்கு பிறகே மாநாடு படம் டிவி.,யில் ஒளிபரப்பு செய்யப்பட உள்ளதாம். அந்த வகையில் பொங்கல் சிறப்பு திரைப்படமாக விஜய் டிவி.,யில் மாநாடு படம் ஒளிபரப்பப்படலாம் என கூறப்படுகிறது.