நயன்தாராவை முந்துகிறாரா ஹன்சிகா.. ஓடிடியில் விரைவில் வெளியாகும் திருமண வீடியோ.. புதிய ப்ரோமோ!

ஹன்சிகா திருமணம்

ஜெய்ப்பூரில் உள்ள முண்டோட்டா எனும் 450 வருட பழமை வாய்ந்த அரண்மனையில் நடிகை ஹன்சிகா மற்றும் தொழிலதிபர் சோஹைல் கதூரியாவின் திருமணம் பிரம்மாண்டமாக நடைபெற்றது. கடந்த டிசம்பர் 4ம் தேதி திருமணம் நடைபெற்ற நிலையில், திருமண புகைப்படங்களை தொடர்ந்து தனது இன்ஸ்டாகிராம் பக்கத்தில் வெளியிட்டு வருகிறார்.

தோழியின் கணவர்

நடிகை ஹன்சிகா திருமணம் செய்து கொண்ட சோஹைல் கதூரியாவுக்கு ஏற்கனவே ஹன்சிகாவின் தோழியுடன் 6 ஆண்டுகளுக்கு முன்னதாக திருமணம் நடைபெற்றதாகவும் அந்த திருமணத்திலேயே நடிகை ஹன்சிகா நடனம் ஆடிய வீடியோக்களையும் நெட்டிசன்கள் ஷேர் செய்து ஹன்சிகாவை கலாய்த்தனர். ஆனால், அதையெல்லாம் காதில் வாங்கிக் கொள்ளாமல் நடிகை ஹன்சிகா சோஹேல் கதூரியாவை திருமணம் செய்து கொண்டார்.

ஓடிடியில் விரைவில்

நடிகை ஹன்சிகாவின் திருமணக் காட்சிகள் டிஸ்னி பிளஸ் ஹாட்ஸ்டாரில் விரைவில் வெளியாக உள்ளதாக ஹன்சிகா தற்போது ஒரு புதிய ப்ரோமோவை வெளியிட்டுள்ளார். #HansikasLoveShaadiDrama எனும் டைட்டிலில் இந்த திருமண வீடியோ விரைவில் வெளியாக உள்ளது. பல கோடிகளுக்கு டிஸ்னி ஹாட்ஸ்டார் இந்த திருமண வீடியோவை வாங்கி உள்ளதாக தகவல்கள் வெளியாகி உள்ளன.

என்னாது டிராமாவா

ஹன்சிகா லவ் ஷாதி டிராமா என அந்த திருமண வீடியோவுக்கு டைட்டில் வைக்கப்பட்டுள்ள நிலையில், இந்த ப்ரோமோ வீடியோவில் டிராமா எனும் பெயரை மட்டும் சொல்ல மாட்டேன் என செம டிராமா போடுகிறார் நடிகை ஹன்சிகா. ஓடிடியில் விரைவில் திருமண வீடியோ வெளியாக உள்ள நிலையில், என்ன தொடர்ந்து நடிகைகள் எல்லாம் திருமணங்களையும் பிசினஸாக பார்க்கின்றனர் என ட்ரோல் செய்து வருகின்றனர்.

நயன்தாராவை முந்தும் ஹன்சிகா

ஜூன் 9ம் தேதி ஊர் அறிய திருமணம் செய்த நயன்தாராவின் திருமண வீடியோ நெட்பிளிக்ஸில் வெளியாகும் என அறிவிக்கப்பட்டு வெகு நாட்கள் ஆகியும் இன்னும் வெளியாகவில்லை. இந்நிலையில், நயன்தாராவின் திருமண வீடியோ வெளியாவதற்கு முன்னதாக அடுத்த மாதம் காதலர் தினத்தை முன்னிட்டு ஹன்சிகாவின் திருமண வீடியோ வெளியாகும் என எதிர்பார்க்கப்படுகிறது.