ஓடிடியில் வெளியான அருள்நிதியின் டைரி... ப்பா மிரட்டலான ஸ்னீக் பீக்.. பார்க்க ரெடியா மக்களே!

நடிகர் அருள் நிதி

நடிகர் அருள்நிதி தொடர்ந்து த்ரில்லர் வகை கதைகளில் கவனம் செலுத்தி வருகிறார். இவருக்கு இதுபோன்ற படங்கள் சிறப்பாக கைக்கொடுத்து வருகின்றன. ஆக்ஷன் படங்களிலும் இடையில் நடித்தாலும் அதிலும் த்ரில்லர் கதைக்களம் இருக்கும்படி பார்த்துக் கொள்கிறார் அருள்நிதி.

த்ரில்லர் படங்கள்

அவருக்கு இது போன்ற கதைகள் சிறப்பாக கைக்கொடுத்து வருகின்றன. அவரது உடல்மொழியும் இதுபோன்ற கதைகளில் சிறப்பாக செயல்படுகிறது. இதன் காரணமாக ரசிகர்கள் அவரது படங்களை தொடர்ந்து கொண்டாடி வருகின்றனர். சமீபத்தில் அவரது நடிப்பில் டி பிளாக், தேஜாவு படங்கள் வெளியாகி மிகுந்த வரவேற்பை பெற்றன.

டைரி படம்

இதனிடையே அருள் நிதி, காவல்துறை அதிகாரியாக நடித்துள்ள டைரி படம் சமீபத்தில் திரையரங்குகளில் வெளியாகி ரசிகர்களை கட்டிப் போட்டது. பவித்ரா நாயகியாக நடித்துள்ள இந்தப் படத்தில் ஜெயப்பிரகாஷ், ஆடுகளம் கிஷோர் உள்ளிட்டவர்கள் அவருடன் இணைந்து நடித்திருந்தனர்.

மிரட்டலான பின்னணி இசை

இன்னாசி பாண்டியன் இயக்கத்தில் வெளியான இந்தப் படத்திற்கு எத்தன் யோஹன் மிரட்டலான இசையை கொடுத்துள்ளார். படத்தின் பின்னணி சிறப்பாக ஸ்கோர் செய்துள்ளது. இந்தப் படத்தின் வெளியீட்டு உரிமையை உதயநிதியின் ரெட் ஜெயண்ட் மூவிஸ் கைப்பற்றியிருந்தது குறிப்பிடத்தக்கது.

சிறப்பான விமர்சனம் + வசூல்

கடந்த ஆகஸ்ட் மாதத்தில் சிறப்பான படங்களுக்கு இடையில் வெளியான இந்தப் படம் விமர்சன ரீதியாகவும் வசூல் ரீதியாகவும் சிறப்பான வெற்றியை பெற்றது. இந்தப் படத்தை தொடர்ந்து ராட்சசி பட இயக்குநர் கௌதம் ராஜ் இயக்கத்தில் இணையவுள்ளார் அருள்நிதி. அந்தப் படமும் த்ரில்லர் வகைப் படமா அல்லது ஜனரஞ்சகமான படமா என்பதை பொருத்திருந்துதான் பார்க்க வேண்டும்.

ஓடிடியில் வெளியீடு

இந்நிலையில் இன்றைய தினம் இந்தப் படம் ஆஹா தமிழ் ஓடிடியில் வெளியாகியுள்ளது. திரையரங்குகளில் சூப்பர் ஹிட்டடித்த இந்தப் படம் ஓடிடியிலும் ரசிகர்களை கவரும் என்று எதிர்பார்க்கப்படுகிறது. இதனிடையே படத்தின் பிரமோஷனாக படத்தின் மிரட்டலான ஸ்னீக் பீக் வெளியிடப்பட்டுள்ளது.