Paper Rocket Webseries: அந்த லிப் லாக் சீனுக்கு கூட ஒரு சூப்பர் ஸ்டோரி.. கிருத்திகா உதயநிதி அசத்தல்!

நல்ல நல்ல வெப்சீரிஸ்

ஃபிங்கர் டிப், பேப்பர் ராக்கெட் போன்ற நிறைய நல்ல நல்ல வெப்சீரிஸ்கள் ஜீ5 ஓடிடி தளத்தில் வெளியாகி வருகின்றன. கிருத்திகா உதயநிதி இயக்கத்தில் காளிதாஸ் ஜெயராம், தான்யா ரவிச்சந்திரன், 96 புகழ் கெளரி கிஷன், கருணாகரன், ரேணுகா, பூர்ணிமா பாக்கியராஜ், காளி வெங்கட், சின்னி ஜெயந்த் உள்ளிட்டோர் நடிப்பில் வெளியாகி உள்ள பேப்பர் ராக்கெட் வெப்சீரிஸை பலரும் விரும்பி பார்த்து வருகின்றனர்.

பேப்பர் ராக்கெட் கதை என்ன

அப்பாவை இழந்து வாடும் மகன் அவருடன் கடைசி காலத்தில் இல்லையே என்கிற குற்ற உணர்ச்சியை போக்க க்ரூப் செஷன் ஒன்றில் கலந்து கொள்ள, அங்கே இவரை விட பல கஷ்டங்களுக்கு நடுவே வாழ்ந்து வரும் 5 பேரின் ஆசையை நிறைவேற்ற ஒவ்வொரு ஊருக்காக போகும் ட்ரிப் கதை தான் இந்த பேப்பர் ராக்கெட் வெப்சீரிஸின் கதை. கடந்த வாரம் ஓடிடியில் வெளியான இந்த வெப்சீரிஸ் ரசிகர்களை வெகுவாக கவர்ந்துள்ளது.

சிவகார்த்திகேயன் பாராட்டு

பேப்பர் ராக்கெட்டை போலவே அதற்கு விமர்சனங்களும் நல்லா பாசிட்டிவ் ஆக வருவது ரொம்பவே சந்தோஷத்தை தருகிறது. கிருத்திகா உதயநிதி டீமுக்கே என் மனமார்ந்த நன்றி. இந்த வாரம் நண்பர்கள் மற்றும் குடும்பத்துடன் இந்த வெப்சீரிஸை பார்த்து மகிழுங்கள் என பாராட்டி உள்ளார். ஜீ5 ஓடிடி நிறுவனம் நடிகர் சிவகார்த்திகேயன் ட்வீட்டுக்கு நன்றி தெரிவித்துள்ளது.

லிப் லாக் சீன்

வெப்சீரிஸ் என்றாலே ஆபாச காட்சிகளும், கெட்ட வார்த்தைகளும் நிறைந்து காணப்பட்டு வரும் நிலையில், ஆபாச காட்சிகளே இல்லாமல் அழகான ஃபீல் குட் வெப்சீரிஸாக வெளியாகி இருக்கிறது. ஆனால், ஹீரோயின் தான்யா ரவிச்சந்திரன் மற்றும் ஹீரோ காளிதாஸ் ஜெயராம் இடையே ஒரே ஒரு லிப் லாக் சீன் மட்டும் இருக்கிறது. ஆனால், அந்த காட்சியும் தப்பாக தெரிந்து விடக் கூடாது என்பதற்காக அதற்காக ஒரு அழகான கதையை பண்ணி பாராட்டுக்களை அள்ளி உள்ளார் கிருத்திகா உதயநிதி.

ஹீரோயினோட பிரச்சனை

சுழல் வெப்சீரிஸில் சித்தப்பாவே இரண்டு பெண்களிடமும் தப்பாக நடந்து கொள்ளும் கதையை சொல்லி அதிர வைத்து இருப்பார்கள். பேப்பர் ராக்கெட் வெப்சீரிஸில் முத்தம் கொடுக்க வந்த காதலனை பாட்டிலால் மண்டையை உடைத்து மர்டர் அட்டம்ப்ட் கேஸில் சிக்கி இருக்கும் தான்யா ரவிச்சந்திரன் தான் ஏன் அப்படி செய்தேன் என்றும் அதற்கு யார் காரணம் என்று கூறி கிளைமேக்ஸில் செய்யும் தரமான சம்பவம் ஜாலியான ட்ரிப்புக்கு இடையே ஒரு ஸ்ட்ராங் சோஷியல் மெசேஜாக அமைந்துள்ளது.