இந்த வாரம் ஓடிடியில் வெளியாகும் படங்கள்.. வீக் எண்ட்டிற்கு சிறப்பாக ப்ளான் பண்ணுங்க!

ஓடிடி ரிலீஸ் படங்கள்

ஓடிடியில் படங்கள் தொடர்ந்து ரிலீசாகி மக்களின் வீக் எண்ட்டை சிறப்பாக்கி வருகின்றன. ஓடிடி தளங்கள் மூலம் வீட்டில் உள்ள அனைவரும் தங்களது வீட்டில் இருந்தபடியே பெரிய ஸ்கிரீனிலும் படங்களை பார்த்து மகிழ்கின்றனர். சிறப்பான படங்களை திரையரங்குகளிலும், மனதிற்கு பிடித்தமான படங்களை ஓடிடியிலும் பார்க்கும் மனநிலை ரசிகர்களிடையே அதிகமாகியுள்ளது.

சிறிய பட்ஜெட் படங்கள்

சிறிய பட்ஜெட் படங்களுக்கு இந்த ஓடிடி ஒரு வரப்பிரசாதமாக அமைந்துள்து. இதன்மூலம் ரசிகர்களை சிறப்பாக சென்றடைகின்றன இந்த லோ பட்ஜெட் படங்கள். ஒவ்வொரு வாரமும் படங்கள் நேரடியாகவும், திரையரங்க ரிலீசுக்கு பின்பும் ஓடிடி தளங்களில் ரிலீசாகி ரசிகர்களை கவர்ந்து வருகின்றன.

ஓ2 படம் ரிலீஸ்

இந்நிலையில் இந்த வாரமும் சிறப்பான பல படங்கள் ரிலீசாகியுள்ளன. நயன்தாராவின் நடிப்பில் ஓ2 படம் இன்றைய தினம் ஓடிடியில் நேரடியாக வெளியாகியுள்ளது. டிஸ்னி ப்ளஸ் ஹாட்ஸ்டாரில் இந்தப் படத்தை ரசிகர்கள் கண்டு களிக்கலாம். தன்னுடைய 8 வயது மகனின் உயிரை காப்பாற்ற போராடும் அம்மா கேரக்டரில் நயன்தாரா இந்தப் படத்தில் சிறப்பாக நடித்துள்ளார்.

சிறப்பான விமர்சனங்கள்

படத்தின் டீசர், ட்ரெயிலர், பாடல்கள் படத்திற்கான எதிர்பார்ப்பை அதிகரித்துள்ளது. இந்நிலையில் தற்போது படம் நல்ல விமர்சனங்களையும் பெற்று ரசிகர்களின் எதிர்பார்ப்பை பூர்த்தி செய்துள்ளது. இமேஜ் பார்க்காமல் நயன்தாரா இதுபோன்ற கேரக்டர்களில் நடித்து வருவது சிறப்பானது.

சுழல் வெப் தொடர்

இதேபோல இயக்குநர்கள் புஷ்கர் காயத்ரி கதை மற்றும் தயாரிப்பில் உருவாகியுள்ளது சுழல் வெப் தொடர். இதில் ஐஸ்வர்யா ராஜேஷ், கதிர், பார்த்திபன் உள்ளிட்டவர்கள் முக்கியமான கேரக்டர்களில் நடித்துள்ளனர். த்ரில் பாணியில் இந்தத் தொடர் உருவாகியுள்ளது. இந்த தொடர் தற்போது அமேசான் ப்ரைமில் வெளியாகியுள்ளது.

நெஞ்சுக்கு நீதி படம்

நடிகர் உதயநிதி ஸ்டாலினின் நெஞ்சுக்கு நீதி படம் அருண்ராஜா காமராஜ் இயக்கத்தில் திரையரங்குகளில் ரிலீசாகி சிறப்பான விமர்சனங்களை பெற்றது. த்ரில்லர் கதையாக வெளியான இந்தப் படம் வரும் 23ம் தேதி சோனி லைவ்வில் வெளியாக உள்ளது. இந்தப் படத்தை போனி கபூர் தயாரித்திருந்தது குறிப்பிடத்தக்கது.

பிங்கர்டிப் சீசன் 2 தொடர்

சைபர் உலகத்தின் மறுபக்கத்தை கூறும் பிங்கர்டிப் சீசன் 2 வெப் தொடர் தற்போது ஜீ5 தளத்தில் இன்றைய தினம் வெளியாகியுள்ளது. ஷிவாகர் ஸ்ரீநிவாசன் இயக்கத்தில் த்ரில்லர் பாணியில் உருவாகியுள்ள இந்த தொடர் மிகுந்த எதிர்பார்ப்புகளுடன் தற்போது வெளியாகியுள்ளது.

சோனி லைவில் சால்ட் சிட்டி

இதேபோல மிகுந்த எதிர்பார்ப்பிற்கு உள்ளாகியுள்ள சால்ட் சிட்டி படம் தற்போது சோனி லைவ்வில் வெளியாகியுள்ளது. ஆயுஷ்மான் குரானாவின் அடுத்தப் படமான அனெக் படம் நெட்பிளிக்சில் வெளியாகயுள்ளது. இதேபோல மார்பியஸ் படம் ஜீ 5 ஓடிடியில் ஜூன் 22ல் வெளியாகவுள்ளது.

சர்க்காரு வாரி பட்டா படம்

மகேஷ் பாபு மற்றும் கீர்த்தி சுரேஷ் நடிப்பில் பரசுராம் இயக்கியிருந்த படம் திரையரங்குகளில் ரிலீசாகி கலவையான விமர்சனங்களை பெற்றது. இந்நிலையில் வரும் ஜூன் 23ம் தேதி சர்க்காரு வாரி பட்டா படம் அமேசான் பிரைமில் ரிலீசாக உள்ளது. இதனால் மகேஷ்பாபுவின் ரசிகர்கள் உற்சாகமடைந்துள்ளனர்.