இந்த வாரம் ஓடிடியில்... உதயநிதியின் கலகத் தலைவன் முதல் ஹாலிவுட்டின் அந்தப் படம் வரை

உதயநிதியின் கலகத் தலைவன்

சினிமா, அரசியல் என பயணித்து வந்த உதயநிதி ஸ்டாலின் இன்று அமைச்சராகப் பொறுப்பேற்றுள்ளார். இதனால் சமீபத்தில் நடித்து முடித்துள்ள 'மாமன்னன்' தான் தனது இறுதித் திரைப்படம் என உதயநிதி தெரிவித்துள்ளார். அதேநேரம் கடந்த சில தினங்களுக்கு முன்னர் திரையரங்குகளில் வெளியான 'கலகத் தலைவன்' ஓடிடி ரிலீஸுக்கு தயாராக உள்ளது. மகிழ் திருமேனி இயக்கத்தில் உதயநிதியுடன் நிதி அகர்வால், ஆரவ், கலையரசன் உள்ளிட்ட பலர் இந்தப் படத்தில் நடித்துள்ளனர்.

டிசம்பர் 16ம் தேதி ரிலீஸ்

நவம்பர் 18ம் தேதி திரையரங்குகளில் வெளியான 'கலகத் தலைவன்' கலவையான விமர்சனங்களைப் பெற்றது. உதயநிதி - நிதி அகர்வால் இடையேயான் காதல் காட்சிகள் அதிகம் வரவேற்பைப் பெற்றன. இந்நிலையில், கலகத் தலைவன் திரைப்படம் வரும் 16ம் தேதி நெட்பிளிக்ஸ் ஓடிடியில் வெளியாகிற்து. திரையரங்குகளில் இந்தப் படத்தை மிஸ் செய்த ரசிகர்கள், இப்போது ஓடிடியில் பார்க்க ரெடியாகிவிட்டனர். அடுத்ததாக உதயநிதியின் நடிப்பில் மாமன்னன் படம் மட்டுமே வெளியாகும் என்பது குறிப்பிடத்தக்கது.

கதிர், நரேன் நடிப்பில் யூகி

கலகத் தலைவனை தொடர்ந்து தமிழில் யூகி திரைப்படமும் ஓடிடியில் வெளியாகிறது. கதிர், நரேன், கயல் ஆனந்தி, பவித்ரா, நட்டி, ஜான் விஜய் உள்ளிட்ட பலர் நடித்துள்ள இந்தப் படம் க்ரைம் திரில்லர் ஜானரில் உருவாகியிருந்தது. சில தினங்களுக்கு முன்னர் திரையரங்குகளில் வெளியான 'யூகி', வரும் 16ம் தேதி சிம்பிளி சவுத் என்ற ஓடிடியில் ஸ்டிரீமிங் ஆகிறது.

மற்ற மொழி திரைப்படங்கள்

ம்லையாளத்தில் 'அரிப்பு' திரைப்படமும் இந்த வாரம் ஓடிடியில் வெளியாகிறது. மகேஷ் நாரயணன் இயக்கத்தில் குஞ்சாக்கா போபன், ஃபைசல் மாலிக், டேனிஷ் ஹுசைன் உள்ளிட்ட பலர் இந்தப் படத்தில் நடித்துள்ளனர். இந்தத் திரைப்படம் வரும் 16ம் தேதி நெட்பிளிக்ஸ் ஓடிடியில் வெளியாகிற்து. இந்தியில் Code Name: Tiranga திரைப்படம் வரும் 16ம் தேதி நெட்பிளிக்ஸில் ரிலீஸாகிற்து. பிரணிதி சோப்ரா நடித்துள்ள இந்தப் படத்தை ரிபு தாஸ்குப்தா இயக்கியுள்ளார். தெலுங்கில் இந்திண்டி ராமாயணம் திரைப்படம், வரும் 16ம் தேதி ஆஹா ஓடிடியில் வெளியாகிறது.

ஹாலிவுட் ரசிகர்களுக்கு

ஹாலிவுட் ரசிகர்களுக்கும் இந்த வாரம் தரமான படங்கள் ஓடிடியில் வெளியாகின்றன. Who Killed Santa? திரைப்படம் வரும் 16ம் தேதி நெட்பிளிக்ஸில் வெளியாகிறது. அதேபோல் பிரைவேட் லெஸன் ( Private Lesson ) என்ற ரொமாண்டிக் திரைப்படமும் நெட்பிளிக்ஸில் வெளியாகிற்து. குறிப்பாக ஹாரர் திரில்லர் ரசிகர்கள் அதிகம் எதிர்பார்த்த Don't Breathe 2 திரைப்படம் சோனி லிவ் ஓடிடியில் வரும் 16ம் தேதி வெளியாகிறது. அதேபோல், இந்தோனேஷியாவில் ஹிட் அடித்த The Big Four மூவி நெட்பிளிக்ஸ் தளத்தில் வெளியாகிறது.