Don't Miss!
- Lifestyle உங்க சிறுநீரகம் பாதுகாப்பா இருக்கணுமா? நிபுணர்கள் சொல்லும் இந்த சூப்பர்புட்களில் ஒன்றை தினமும் சாப்பிடுங்க...!
- News 664 மனு நிராகரிப்பு! தமிழக லோக்சபா தேர்தலில் 1085 வேட்புமனு ஏற்பு! எந்த தொகுதியில் அதிகம் தெரியுமா
- Sports RR vs DC : எமோஷனலாக இருக்கேன்.. சஞ்சு சாம்சன் உள்ளே வந்து ஒன்றை சொன்னார்.. ரியான் பராக் நெகிழ்ச்சி!
- Automobiles கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
ப்பா.. ப்ரீ ரிலீஸ் பிசினஸில் துணிவை பின்னுக்குத் தள்ளிய வாரிசு.. ஓடிடி உரிமமும் பல கோடிக்கு விற்பனை!
சென்னை: வாரிசு மற்றும் துணிவு படங்களின் ப்ரீ ரிலீஸ் பிசினஸ் சாதனைகள் குறித்த தகவல்கள் வெளியாகி உள்ளன. இதில், நடிகர் அஜித்தின் துணிவு படத்தை நடிகர் விஜய்யின் வாரிசு படம் பெரிய மார்ஜினில் முந்தி இருக்கிறது.
படம் வெளியாவதற்கு முன்பே பல நூறு கோடிகளுக்கு வாரிசு படத்தின் வியாபாரம் அமோகமாக நடைபெற்று இருப்பது திரைத்துறையினரை ஆச்சர்யத்தில் ஆழ்த்தி உள்ளது.
ஓடிடி பிசினஸிலும் துணிவு படத்தை விட வாரிசு திரைப்படம் அதிக தொகைக்கு விற்கப்பட்டு முந்தி உள்ளது. இரண்டு படங்களின் ப்ரீ ரிலீஸ் மற்றும் ஓடிடி உரிமம் பற்றிய முழு விவரத்தை இங்கே அலசுவோம் வாருங்கள்..
ஏய் எப்புர்ரா... H D குவாலிட்டியில் யூடியூப்பில் வெளியான கட்டா குஸ்தி... யார் பார்த்த வேலைடா இது?
480 தியேட்டர்கள்
தமிழ்நாட்டில் வாரிசு படத்துக்கும் துணிவு படத்துக்கும் தலா 480 தியேட்டர்கள் ஒதுக்கப்பட்டுள்ளதாக தகவல்கள் வெளியாகி உள்ளன. முதல் நாளை பொறுத்தவரை வாரிசு படத்தை விட துணிவு படம் நள்ளிரவு ஒரு மணிக்கே பல திரையரங்குகளில் முதல் காட்சி போடப்படும் நிலையில், அதிக காட்சிகள் முதல் நாளில் திரையிடப்படும் என தெரிகிறது. வாரிசு படம் அதிகாலை 4 மணி முதல் திரையிடப்பட உள்ளது.
வாரிசு விற்பனை உரிமம்
இயக்குநர் வம்சி இயக்கத்தில் விஜய், ராஷ்மிகா மந்தனா, சரத்குமார், பிரகாஷ் ராஜ், ஷாம், ஸ்ரீகாந்த், யோகி பாபு உள்ளிட்ட பலர் நடிப்பில் உருவாகி உள்ள வாரிசு படத்தின் தமிழ்நாடு விற்பனை உரிமம் 70 கோடி ரூபாய்க்கும் கேரள விற்பனை உரிமம் 6.5 கோடிக்கும் கர்நாடக விற்பனை உரிமம் 8 கோடிக்கும் ஆந்திரா மற்றும் தெலங்கானா விற்பனை உரிமம் 25 கோடி ரூபாய்க்கும், இந்தி பெல்ட்டின் விற்பனை உரிமம் 34 கோடி ரூபாயாகவும் ஓவர்சீஸ் உரிமம் 35 கோடி ரூபாயாகவும் உள்ளது.
துணிவு விற்பனை உரிமம்
அதே சமயம் அஜித் குமார், மஞ்சு வாரியர் நடிப்பில் ஹெச். வினோத் இயக்கி உள்ள துணிவு படத்தின் தமிழ்நாடு விற்பனை உரிமம் 60 கோடி ரூபாயாகவும் கேரளா உரிமம் 2.5 கோடியாகவும் கர்நாடக உரிமம் 3.6 கோடியாகவும் தெலுங்கு உரிமம் 3 கோடி ரூபாயாகவும் வெளிநாட்டு உரிமம் 14 கோடி ரூபாயாக உள்ளதாக தகவல்கள் வெளியாகி உள்ளன.
வாரிசு ஓடிடி
நடிகர் விஜய்யின் வாரிசு ஓடிடி உரிமம் அமேசான் பிரைம் ஓடிடி தளத்துக்கு 5 ஆண்டுகளுக்கு மட்டும் 75 ரூபாய்க்கு விற்கப்பட்டுள்ளதாக தகவல்கள் வெளியாகி உள்ளன. வாரிசு படம் வெளியாகி கிட்டத்தட்ட ஒரு மாதம் கழித்து அமேசான் பிரைமில் அந்த படம் ஸ்ட்ரீமிங் ஆகும் என எதிர்பார்க்கப்படுகிறது.
நெட்பிளிக்ஸில் துணிவு
நெட்பிளிக்ஸ் ஓடிடி தளத்தில் அஜித்தின் துணிவு திரைப்படம் அதிக பட்சமாக 65 கோடி ரூபாய்க்கு விற்பனையாகி உள்ளதாக தகவல்கள் வெளியாகி உள்ளன. நெட்பிளிக்ஸில் துணிவு திரைப்படம் ரிலீஸுக்கு பிறகு 4 வாரங்கள் கழித்து வெளியாகும் என எதிர்பார்க்கப்படுகிறது.
துணிவை முந்திய வாரிசு
இதன் மூலம் ரிலீஸுக்கு முன்பே நடிகர் விஜய்யின் வாரிசு திரைப்படம் 295.5 கோடி ரூபாயாகவும் அஜித்தின் துணிவு திரைப்படம் 193.6 கோடி ரூபாயாகவும் உள்ளதாக நெருங்கிய வட்டாரங்கள் தகவல் தெரிவித்துள்ளன. படம் வெளியாகி நல்ல விமர்சனத்தை பெற்றால் இரு படங்களின் வசூல் அதிகரிக்கும் என்பது குறிப்பிடத்தக்கது.