Gold Review: இப்படி ஏமாற்றிவிட்டாரே அல்போன்ஸ் புத்திரன்.. பாவம் நயன்தாரா.. கோல்டு எப்படி இருக்கு?

கோல்டு ரிலீஸ்

மலையாளத்தில் திட்டமிட்டப்படி கோல்டு திரைப்படம் இன்று வெளியானது. தமிழ்நாட்டில் டிசம்பர் 2ம் தேதியான நாளை கோல்டு வெளியாகும் என கடைசி நேரத்தில் அறிவிக்கப்பட்டுள்ளது. பிரித்விராஜ், நயன்தாரா நடிப்பில் உருவாகி உள்ள இந்த படத்தை நேரம் மற்றும் பிரேமம் படங்களை இயக்கிய இயக்குநர் அல்போன்ஸ் புத்திரன் இயக்கி உள்ளார்.

ரசிகர்கள் விமர்சனம்

இன்று வெளியான கோல்டு படத்தை மலையாளத்தில் பார்த்து விட்டு ரசிகர்கள் பதிவிட்டுள்ள ட்வீட்கள் டிரெண்டாகி வருகின்றன. நேரம் படத்தை பிரேமம் பாணியில் எடுத்து வைத்திருக்கிறார் அல்போன்ஸ் புத்திரன். புதிதாக ஒன்றுமே இல்லை ரொம்பவே ஏமாற்றி விட்டார் என நெகட்டிவ் விமர்சனங்களை போட்டுத் தாக்கி வருகின்றனர்.

பெஸ்ட் என்டர்டெயினர்

கோல்டு திரைப்படம் ரொம்பவே சூப்பரா இருக்கு, பெஸ்ட் என்டர்டெயினர். பிஜிஎம் மற்றும் எடிட்டிங்கில் மிரட்டியிருக்காங்க.. 4/5 ரேட்டிங் கொடுக்கலாம். எனக்கு ரொம்பவே இந்த படம் பிடிச்சிருக்கு கலக்கிட்டீங்க அல்போன்ஸ் புத்திரன் என இந்த ரசிகர் தனது விமர்சனத்தை கொடுத்துள்ளார்.

தங்கம் இல்லை பித்தளை

நல்ல படத்துக்கு எந்தவொரு ப்ரமோஷனும் பண்ண வேண்டாம்னு சொன்னாரேன்னு நம்பி போனா கடைசி வரை என்ன ஜானர்னே தெரியாம படத்தை பார்க்க வேண்டியதா இருக்கு.. இது கோல்ட் இல்லை வெண்கலம் கூட இல்லை பித்தளை என இன்னொரு ரசிகர் விளாசித் தள்ளி உள்ளார்.

ரொம்ப சுமார்

GOLD மூவிக்கு அல்போன்ஸ் புத்திரன் எந்தவித எதிர்பார்ப்பும் உருவாக்காமல் இருந்தார், அதுவே அவருக்கு பெயிலியர் ஆயிடுச்சு. படம் சுமார் தான் என ரசிகர்கள் கோல்டு படத்தை கழுவி ஊற்றி வருகின்றனர்.

நயன்தாரா பாவம்

கோலிவுட்டில் இந்த ஆண்டு விக்னேஷ் சிவன் இயக்கத்தில் விஜய்சேதுபதி, நயன்தாரா மற்றும் சமந்தா இணைந்து நடித்த காத்துவாக்குல ரெண்டு காதல் படம் மட்டுமே ஹிட் ஆனது என்றும் ஓடிடியில் வெளியான ஓ2, தெலுங்கில் வெளியான சிரஞ்சீவ், சல்மான் கான் நடித்த காட்ஃபாதர் மற்றும் தற்போது மலையாளத்தில் வெளியாகி உள்ள கோல்டு என அத்தனை படங்களும் ஏமாற்றத்தையே கொடுத்துள்ளன. பாவம் நயன்தாரா என ரசிகர்கள் ட்ரோல் செய்து வருகின்றனர். அட்லி இயக்கத்தில் ஷாருக்கான் நடிப்பில் உருவாகி வரும் ஜவான் படம் ரிலீஸுக்கு முன்பே ஏகப்பட்ட சர்ச்சையில் சிக்கி வரும் நிலையில், அந்த படம் வெளியாகி ஹிட் அடித்தால் மட்டுமே நயன்தாரா கம்பேக் கொடுப்பார் என கமெண்ட்டுகள் பறக்கின்றன.