நாயா? மனிதனா? காமெடியில் கலக்கும் சதீஷ் ஹீரோவாக ஜெயித்தாரா?? நாய் சேகர் விமர்சனம்

இது தான் கதை

நாயை போல் நடந்து கொள்ளும் மனிதன், மனிதனை போல் நடந்து கொள்ளும் நாய். இவர்கள் இருவரிடையே நடக்கும் யதார்த்தமான நிகழ்வுகளை காமெடி கலந்து சொல்லி இருக்கிறார்கள். நாய் வந்த பிறகு நடக்கும் ஃபஸ்ட் ஆஃப் கதை மிகவும் ஃபன்னாக, அனைவரையும் ரசிக்க வைத்துள்ளது. சதீஷ், ஹீரோவாக அறிமுகமாகும் முதல் படத்திலேயே தனது வித்தியாசமான நடிப்பை காட்டி அனைவரையும் கவர்ந்துள்ளார்.

ரஜினியும் வந்து போறார்

ஹீரோயின் பவித்ர லட்சுமியும் மிக க்யூட்டாக வந்து, அழகான நடிப்பை வெளிப்படுத்தி உள்ளார். படத்தின் பல இடங்களில் சூப்பர் ஸ்டார் ரஜினிகாந்த்தின் Reference பார்க்க முடிகிறது. ரசிகர்களை மகிழ்விக்க வேண்டும் என்பதற்காகவே மிக கவனமாக திரைக்கதையை அமைத்துள்ளனர். மக்கள் எதிர்பார்த்து வந்த காமெடியை மிக தாராளமாக வழங்கி உள்ளனர்.

பொங்கல் ரேசில் முதலிடம்

ஜாதி பற்றிய விஷயங்களையும் மிக சரியான அளவில் கையாண்டுள்ளார்கள். கொஞ்சம் மிகுதியாக கூறி இருந்தால் பட ஜாதிய விஷயங்கள் பற்றி பேசும் படம் என விமர்சனங்களை சந்தித்திருக்கும். அதே சமயம் பல விஷயங்களை மிக குறைத்து பேசி இருந்தால் இந்த படம் ஃபிளாப் ஆகி இருக்கும். ஆனால் காமெடி முதல் அனைத்து விஷயங்களையும் மிக சரியாக கையாண்டு பொங்கல் ரேசில் முதல் இடத்தில் இருக்கிறார் நாய் சேகர்.

யதார்த்தமாக கதை

வழக்கம் போல் அனிருத் இசையில் கலக்கி இருக்கிறார். பின்னணி இசை ஆகட்டும், பாடல்கள் ஆகட்டும் ரசிக்கும் படியாக உள்ளது. ஒரு நாயை மையப்படுத்தி, நம்மை சுற்றி நடக்கும் நிகழ்வுகளை வைத்தே கதையை அமைத்துள்ளனர்.

தமிழிலும் நல்ல படம்

யதார்த்தமான கதையை சுவாரஸ்யமாக, நகைச்சுவையுடன் சொல்லி இருக்கிறார்கள். அரைத்த மாவையே அரைத்து, வழக்கமாக தமிழ் சினிமாக்களை போல் ரசிகர்களை கடுப்பேற்றாமல், நீண்ட நாட்களுக்கு பிறகு ஒரு நல்ல படம் தமிழிலும் வந்துள்ளது என அனைவரையும் சொல்ல வைத்துள்ளார் நாய் சேகர்.