ஜோதிகா எக்ஸ்பிரஷன்லேயே கொன்னுட்டாங்க.. கருத்துதான் தாங்க முடியல.. உடன்பிறப்பே டிவிட்டர் விமர்சனம்!

சினிமாவில் மீண்டும் என்ட்ரி

திருமணத்திற்கு பிறகு சில ஆண்டுகள் சினிமாவில் இருந்து ஒதுங்கி இருந்தார் ஜோதிகா. ஜோதிகா - சூர்யா தம்பதிக்கு தியா என்ற மகளும் தேவ் என்ற மகனும் உள்ளனர். இந்நிலையில் திருமணத்திற்கு பிறகு 2015ஆம் ஆண்டு வெளியான 36 வயதினிலே படத்தின் மூலம் மீண்டும் சினிமாவுக்கு என்ட்ரி கொடுத்தார் ஜோதிகா. திருமணத்திற்கு

நாயகிக்கு முக்கியத்துவம்

இதனை தொடர்ந்து தனக்கு முக்கியத்துவம் அளிக்கும் பாத்திரங்களிலேயே நடித்து வருகிறார் ஜோதிகா. அந்த வகையில் மகளிர் மட்டும், நாச்சியார். செக்க சிவந்த வானம், காற்றின் மொழி, ராட்சசி, ஜாக்பாட், தம்பி, பொன்மகள் வந்தாள் ஆகிய படங்களில் நடித்துள்ளார். இந்த படங்கள் பெரும்பாலும் அவரை மைய்யப்படுத்தியே வெளி வந்துள்ளது.

உடன்பிறப்பே படம்

இந்நிலையில் நடிகை ஜோதிகா தனது 50வது படமாக உடன்பிறப்பே என்ற படத்தில் நடித்து உள்ளார். கத்துக்குட்டி படத்தை இயக்கிய சரவணன் இப்படத்தை இயக்கி வருகிறார். கத்துக்குட்டி படம் விமர்சன ரீதியாக நல்ல வரவேற்பை பெற்ற போதும் வசூல் ரீதியாக சோபிக்கவில்லை. இந்நிலையில் ஜோதிகாவின் 50வது படத்தை இயக்கும் வாய்ப்பை பெற்றார் சரவணன்.

அமேசான் ப்ரைம் ஓடிடி தளத்தில்

இந்த படத்தை சூர்யாவின் 2டி எண்டர்டெயின்மெண்ட் நிறுவனம் தயாரித்துள்ளது. இதில் ஜோதிகாவுக்கு அண்ணனாக சசிக்குமாரும், கணவராக சமுத்திரகனியும் நடித்துள்ளனர். இப்படத்திற்கு இமான் இசையமைத்துள்ளார். இந்த படத்தில் சூரி முக்கிய வேடத்தில் நடித்துள்ளார். இந்த படம் அமேசான் ப்ரைம் ஓடிடி தளத்தில் இன்று ரிலீஸ் ஆகியுள்ளது.

பர்ஃபெக்ட் சாய்ஸ்..

இந்நிலையில் இப்படம் குறித்த விமர்சனங்களை டிவிட்டர் பக்கத்தில் பதிவிட்டு வருகின்றனர். அந்த வகையில் உடன் பிறப்பே படத்தை பார்த்த இந்த நெட்டிசன் குறிப்பிட்டிருப்பதாவது, இப்போதான் உடன்பிறப்பே படம் பார்த்தேன்.. ஜோதிகா தன்னோட எக்ஸ்பிரஷன்ஸாலேயே கொன்னுட்டாங்க... ஜோதிகாவின் 50வது படத்துக்கு பர்ஃபெக்ட் சாய்ஸ்.. எல்லோருமே அவர்களின் கேரக்டரை சிறப்பாக செய்துள்ளனர். வேற மாதிரி பண்ணிட்டீங்க என்று குறிப்பிட்டு நட்சத்திரங்களில் டிவிட்டர் ஹேண்டிலை குறிப்பிட்டுள்ளார்.

அரைமணி நேரம் கூட பார்க்க முடியல

உடன் பிறப்பே படத்தை பார்த்த இந்த நெட்டிசன், என்ன கருமம் டா இது.. அரைமணி நேரம் கூட முழுசா பார்க்க முடியலயேடா என குறிப்பிட்டுள்ளார்.

ஆக்ட்டிங் வேற லெவல்..

உடன்பிறப்பே படத்தை இந்த நெட்டிசன், உடன்பிறப்பே.. முழுக்க ஃபேமிலி எமோஷனல் படம்.. படத்தை பற்றி சொல்ல வார்த்தைகள் இல்லை.. ஜோதிகா அண்ணி ஆக்ட்டிங் வேற லெவல்... சமுத்திரக்கனி, சசிக்குமார் நடிப்பும் தீயாய் இருக்கு.. இமான் இசை மெய் சிலிர்க்க வைத்துவிட்டது என குறிப்பிட்டுள்ளார்.

கருத்து சொல்லிட்டு இருக்கீங்க

உடன் பிறப்பே படத்தை பார்த்த இந்த நெட்டிசன், என்னடா ஒவ்வொரு நிமிசமும் கருத்து சொல்லிட்டு இருக்கீங்க என குறிப்பிட்டுள்ளார்.

ஜீன்ஸ் பிரசாந்த் மாதிரி

உடன் பிறப்பே படத்தை பார்த்த இந்த நெட்டிசன், உடன்பிறப்பே படத்தில் சமுத்திரகனி மீசை இல்லாம ஜீன்ஸ் பிரசாந்த் மாதிரி இருப்பதாக பதிவிட்டுள்ளார் இந்த நெட்டிசன்.