கௌதம் மேனன் - தனுஷ் படத்தின் இறுதிகட்ட ஷூட்டிங்... விரைவில் ரிலீஸ்!

எனை நோக்கி பாயும் தோட்டா

கௌதம் மேனன், விக்ரம் நடிக்க இயக்கி வந்த 'துருவ நட்சத்திரம்' படத்தின் படப்பிடிப்பைத் தள்ளி வைத்துவிட்டு, 'எனை நோக்கி பாயும் தோட்டா' படத்தின் படப்பிடிப்பை விறுவிறுப்பாக நடத்தி வருகிறார்.

டீசர்

இந்தப் படத்தின் டீசர் மற்றும் சில பாடல்கள் ஏற்கெனவே வெளியாகி ரசிகர்களிடையே நல்ல வரவேற்பைப் பெற்றன. ஆனால், படம் எப்போது முடிவடைந்து வெளிவரும் என்பது தெரியாமலேயே இருந்தது.

சீக்கிரம் ரிலீஸ்

சில காட்சிகள் மட்டுமே படமாக்கப்பட வேண்டியிருப்பதால் அவற்றை விரைவாக முடித்துவிட்டு விரைவில் படத்தை வெளியிட திட்டமிட்டுள்ளார்களாம். இப்படம் வெளிவந்ததும் 'வட சென்னை' படம் வெளியாக உள்ளது.

மாரி 2

தனுஷ் நடித்து கடைசியாக வெளிவந்த 'விஐபி 2' படம் எதிர்பார்த்த வெற்றியைப் பெறவில்லை. 'எனை நோக்கி பாயும் தோட்டா' படத்தை அவர் மிகவும் எதிர்பார்த்து வருகிறார். 'வட சென்னை' அதன் பின்பு 'மாரி 2' படத்தில் தனுஷ் நடிக்க இருப்பதாகத் தகவல் வெளியாகியுள்ளது.