பூஜையுடன் தொடங்கியது ரஜினியின் கபாலி படப்பிடிப்பு!

கடந்த இரு தினங்களாக ரஜினியின் கபாலி பெயரும், புதிய டிசைன்களும்தான் இன்று இணையத்திலும் மீடியாவிலும் நாளிதழ்களிலும் கலக்கிக் கொண்டிருக்கின்றன.

நேற்று காலை எளிய முறையில் படத்தின் பூஜை சென்னை ரஷ்ய கலை பண்பாட்டு மையத்தில் நடந்தது. இதில் நீல நிற ஜீன்ஸ், கரு நீல நிற சட்டை அணிந்து, கபாலி கெட்டப்பிலேயே வந்திருந்தார் ரஜினி.

அவர் கற்பூர ஆரத்தி காட்டி பூஜை செய்து வணங்கினார்.

இயக்குநர் பா ரஞ்சித், தயாரிப்பாளர் தாணு மற்றும் படக்குழுவினர் இதில் கலந்து கொண்டனர்.

மீடியாக்காரர்கள் யாரும் இந்த நிகழ்ச்சியில் அனுமதிக்கப்படவில்லை. படத்தின் பூஜை ஸ்டில்கள் உடனுக்குடன் அனைவருக்கும் அனுப்பி வைக்கப்பட்டன.

சென்னை நகரின் முக்கிய சாலைகளில் உள்ள சுவர்களில் இன்று காலை முதலே கபாலி ஸ்டில்கள்தான் அலங்கரித்துக் கொண்டுள்ளன.

முதல் நாளான நேற்று பூஜை முடிந்ததும், ரஜினியை வைத்து சில காட்சிகளை இயக்கினார் ரஞ்சித். படப்பிடிப்பு நடக்கும் இடத்தை படு ரகசியமாகவே வைத்துள்ளனர்.