முகப்பு

ஸ்பெஷல்ஸ்

பாலிவுட் நடிகர் ஷாருக்கான், தனது மனைவி கௌரி கான் மற்றும் ஈராஸ் என்டர்டெயின்மென்ட் நிறுவனத்துடன் சேர்ந்து ரா ஒன் படத்தை ரூ. 175 கோடியில் தயாரித்து நடித்தார்.

ஷாருக், கரீனா கபூர் நடித்த இந்த படம் வசூலில் சக்கை போடு போடுகிறது. கடந்த 4ம் தேதி வரை ரூ. 192 கோடி வசூல் செய்துள்ளது. ரா ஒன் படத்தில் சூப்பர் ஸ்டார் ரஜினிகாந்த் கௌரவத் தோற்றத்தில் வருகிறார். இதனால் இந்தி படங்களுக்கு அவ்வளவாக வரவேற்பில்லாத தமிழகத்திலும் ரா ஒன் பரபரப்பை ஏற்படுத்தியது.

ரஜினிகாந்த் உடல் நிலை குணமாகி நடித்த முதல் படம் ரா ஒன் என்பதால் ரஜினி ரசிகர்களிடையே இந்த படத்திற்கு அமோக வரேவேற்பு இருக்கிறது. தான் கேட்டதற்கு இணங்க கௌரவத் தோற்றத்தில் நடித்த ரஜினிகாந்துக்கு ஷாருக் கான் விலை உயர்ந்த சொகுசு காரான பி.எம்.டபுள்யூ. பரிசாக அளிக்கவிருக்கிறார்.

இதே போன்று ரா ஒன் படத்தில் நடித்த இந்தி நடிகர் அர்ஜுன் ராம்பல் மற்றும் இயக்குனர் அனுபவ் சின்ஹாவுக்கும் அவர் பி.எம்.டபுள்யூ. பரிசாக அளிக்கவிருக்கிறார்.

இதற்காக அவர் மும்பையைச் சேர்ந்த டீலரிடம் பி.எம்.டபுள்யூ. 7 சீரிஸ் கார்களுக்கு முன்பு பதிவு செய்துள்ளார். இந்த கார் ரூ. 84 லட்சத்து 17 ஆயிரம் முதல் ரூ.1 கோடியே 32 லட்சத்து 70 ஆயிரம் வரை உள்ளது என்பது குறிப்பிடத்தக்கது.