Don't Miss!
- Sports அவர் ஒருவரை தவிர மற்ற ஸ்பின்னர்களுக்கு பயம் .. 120 கிமீ வேகம் அவசியமா.. வருணை பொளந்த ஹர்பஜன் சிங்!
- News அவ்வளவு தான்.. அதிபர் பதவியை இழக்கும் முய்சு? வெடித்த ஊழல் புகார்.. மாலத்தீவில் பெருங்குழப்பம்
- Lifestyle தினமும் இட்லி தோசை செய்யாம.. பாஸ்தா இருந்தா இப்படி செய்யுங்க.. குழந்தைங்க விரும்பி சாப்பிடுவாங்க..
- Technology Google Pay-க்கு அடுத்த ஆப்பு.. உதறிதள்ளிய NPCI.. கதிகலங்கிய யூசர்கள்.. Phonepe-க்கும் அதே கதி.. என்ன ஆச்சு!
- Automobiles ஐபிஎல்-இல் வேண்டுமாயின் கதை வேறயாக இருக்கலாம்!! இந்த விஷயத்தில் சென்னையை விட பெங்களூர் தான் டாப்!
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
பாலிவுட்டில் புதிய சரித்திரம் படைத்த '3 இடியட்ஸ்'!
10 நாட்களில் ரூ.240 கோடியை வசூல் செய்துள்ளது ஆமீர் கான் நடித்துள்ள இந்தப் படம்.
இதுவரை பாலிவுட் வரலாற்றில் பார்க்காத மிகப் பெரிய கலெக்ஷன் இது. வெளியாகி இரண்டு வாரங்களைத் தாண்டிய நிலையில் இன்னும் குறையாத ரசிகர் கூட்டதுடன் ஓடிக்கொண்டுள்ளது.
3 இடியட்ஸ் உள்நாட்டில் 1500 தியேட்டர்களிலும், வெளிநாடுகளில் 344 தியேட்டர்களிலும் வெளியானது.
இதற்கு முன்பு ஆமீர் கான் நடித்து வெளியான கஜினிதான் அதிகபட்ச வசூல் சாதனை செய்த இந்திப்படமாக இருந்தது. இப்போது தனது சாதனையை தானே முறியத்துள்ளார் ஆமீர்.
கஜினி திரைப்படத்தின் மொத்த வசூல் 225 கோடி ரூபாய். இது உள்நாடு மற்றும் வெளிநாடுகளில் வசூலான மொத்த தொகை. அதற்கு அடுத்து சன்னி தியோல் நடித்த கத்தா படம் ரூ.175 கோடி வசூல் செய்தது.
ஹ்ரித்திக் ரோஷன், ஐஸ்வர்யா ராய் நடித்த தூம்-2 ரூ.145 கோடி வசூலித்து மூன்றாம் இடம் பெற்றது.
ஆனால் இந்தப் படங்களின் மொத்த வசூல்தான் இங்கே தரப்பட்டுள்ளது. 3 இடியட்ஸ் படமோ இந்த சாதனைகளை பத்தே நாளில் அநாயாசமாக வாரிக் குவித்துள்ளது.
இந்தப் படத்துக்கு விளம்பரம் உள்பட செலவான தொகை ரூ.45 கோடி. இப்போது அதைவிட 5 மடங்கு கூடுதலாக வசூலித்துக் கொடுத்துள்ளது.
விது வினோத் சோப்ரா தயாரித்துள்ள 3 இடியட்ஸின் விநியோக உரிமையை ரூ.80 கோடி கொடுத்து அனில் அம்பானியின் பிக் பிக்சர்ஸ் வாங்கி வெளியிட்டது.
இந்த சாதனை குறித்து ஆமீர்கான் கூறுகையில், "நான் இந்த மாதிரி பாக்ஸ் ஆபீஸ் புள்ளி விவரங்களை விட, மக்களின் கருத்துக்குதான் மதிப்பளிப்பேன். இருந்தாலும் 3 இடியட்ஸ் வசூல் எனக்கு மிகப் பெரிய மகிழ்ச்சியைத் தந்துள்ளது. கஜினியின் லைப் டைம் வசூலை இந்தப் படம் பத்தே நாளில் முறியடித்துள்ளது சாதாரண விஷயமல்ல" என்றார்.
கடந்த ஆண்டு மட்டும் பாலிவுட்டில் 123 நேரடிப் படங்கள் வெளியாகின. அவற்றின் பாக்ஸ் ஆபீஸ் கலெக்ஷன் மொத்தம் ரூ.1,600 கோடி. இதில் 3 இடியட்ஸின் பங்கு மட்டும் 15 சதவீதம். இதுவும் ஒரு புதிய சாதனைதான்.
படத்தின் இவ்வளவு பெரிய வெற்றிக்கு கதை மட்டும் காரணமல்ல.. அந்த கதையை ஒட்டி எழுந்த பலத்தை சர்ச்சையும், அதனால் வந்த விளம்பரமும்கூட ஒரு காரணம் எனலாம்.