Click it and Unblock the Notifications
அஜீத் நடிக்கும் அசல் படத்தை எதிர்த்து அன்புமணி ராமதாஸ் ஆர்ப்பாட்டம்!!
அன்புமணி ராமதாஸ் மத்திய அமைச்சராக இருந்தபோது சினிமாவில் சிகரெட் பிடிக்கக்கூடாது என்று கடும் சட்டமே கொண்டு வந்தார். இதற்கு சூப்பர் ஸ்டார் ரஜினியே கட்டுப்பட்டு சிகரெட் காட்சிகள் தன் படங்களில் இடம்பெறாமல் பார்த்துக்கொண்டார்.
மத்திய அமைச்சர் பதவியில் இல்லாவிட்டாலும், பசுமைத் தாயகம் எனும் தனது சுற்றுச் சூழல் அமைப்பு மூலம் மது, புகைப்பழக்கத்திற்கு எதிராக பிரச்சாரத்தை தீவிரமாகச் செய்து வருகிறார் அன்புமணி.
மீண்டும் சினிமாவில் தலைதூக்கிவிட்ட சிகரெட் புகைக்கும் காட்சிகளை தீவிரமாக எதிர்த்து வருகிறார் அன்புமணி. ஆனாலும் வட இந்தியாவில் இதை பொருட்டாக யாரும் எடுக்கவில்லை. இவர் என்ன சொல்வது நாங்கள் என்ன செய்வது என்று வெளிப்படையாகவே கமெண்ட் அடிக்கின்றனர் ஷாரூக்கான், அமீர்கான் போன்றவர்கள்.
எனவே தனது எதிர்ப்பை மீண்டும் தமிழ்ப் படங்களின் பக்கம் திருப்பியுள்ளார் அன்புமணி.
நடிகர் அஜீத் நடிப்பில் விரைவில் திரைக்கு வரவிருக்கும் படம் அசல். இந்த படத்தில் அஜீத் சுருட்டு பிடிப்பது போன்ற காட்சி போஸ்டர்கள், பேனர்கள் மற்றும் டிரைலர்களில் இடம்பெற்றுள்ளது.
இந்தக்காட்சியை கட்டாயம் நீக்கக வேண்டும், இல்லையேல் படத்தைத் தடை செய்ய வேண்டும் என்று அன்புமணி ராமதாஸ் ஆர்ப்பாட்டம் நடத்தினார். சென்னை சங்கம் தியேட்டரில் இன்று நடந்த இந்த ஆர்ப்பாட்டத்தில் ஏராளமான பாமகவினர் பங்கேற்று, சிகரெட் காட்சிகளுக்கு எதிராகவும், அதனை ஆதரிக்கும் நடிகர்களைக் கண்டித்தும் கோஷம் எழுப்பினர்.
அஜீத் ரசிகர்களை கடும் டென்ஷனில் ஆழ்த்தியுள்ளது இந்த விவகாரம்.
Continue with Google