Don't Miss!
- News தப்பி தவறி கூட.. இந்த டைம்ல வெளியே போகாதீங்க.. தமிழ்நாட்டிலும் வெப்ப அலை.. முக்கிய அறிவுரை!
- Sports அவர் ஒருவரை தவிர மற்ற ஸ்பின்னர்களுக்கு பயம் .. 120 கிமீ வேகம் அவசியமா.. வருணை பொளந்த ஹர்பஜன் சிங்!
- Lifestyle தினமும் இட்லி தோசை செய்யாம.. பாஸ்தா இருந்தா இப்படி செய்யுங்க.. குழந்தைங்க விரும்பி சாப்பிடுவாங்க..
- Technology Google Pay-க்கு அடுத்த ஆப்பு.. உதறிதள்ளிய NPCI.. கதிகலங்கிய யூசர்கள்.. Phonepe-க்கும் அதே கதி.. என்ன ஆச்சு!
- Automobiles ஐபிஎல்-இல் வேண்டுமாயின் கதை வேறயாக இருக்கலாம்!! இந்த விஷயத்தில் சென்னையை விட பெங்களூர் தான் டாப்!
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
“தொட்டுத் தொட்டுப் பேசும் சுல்தானா“ .. இடையழகி சிம்ரனுக்கு இன்று பிறந்தநாள் .. குவியும் வாழ்த்து !
சென்னை : தமிழ் சினிமாவில் 90களில் இடையழகி என பெயர் எடுத்தவர் சிம்ரன். கையை தூக்கி இடையை குலுக்கி ஆட்டம் போட்டாலே போதும் அத்தனை இளசுகளும் க்ளோஸ்.
சிம்ரன் தன்னுடைய நடனத்தாளும், நடிப்பாலும் மக்கள் மனதில் இடம் பிடித்தார். அதுமட்டுமல்லாமல் தன் அழகினாலும் ரசிகர்களை கட்டிப்போட்டவர்.
ரஜினி, கமல், விஜய், அஜித், சூர்யா என முன்னணி நடிகர்களில் ஜோடி போட்டு நடித்துள்ள சிம்ரன் இன்று தனது 46வது பிறந்த நாளை கொண்டாடி வருகிறார். அவருக்கு திரைப்பிரபலங்கள் பலரும் வாழ்த்து தெரிவித்து வருகின்றனர்.
உண்மையா தான் சொல்றீங்களா?...மனோபாலாவுக்கு ஜோடி அஜித் பட ஹீரோயினா ?
சிம்ரன் அறிமுகம்
மும்பையை பூர்வீகமாக கொண்ட சிம்ரன் 1976ம் ஆண்டு ஏப்ரல் 4ந் தேதி அசோக் நாவல் மற்றும் சாரதா நாவல் தம்பதிகளுக்கு மகளாக பிறந்தார். சிம்ரனின் உண்மையான பெயர் ரிஷிபால நாவல் சினிமாவுக்காக சிம்ரன் என்று மாற்றிக் கொண்டார். சிம்ரன் என்றால், தியானம் என்று அர்த்தமாம். நடிகை சிம்ரன், சிவாஜி, விஜய் நடித்த ஒன்ஸ்மோர் திரைப்படத்தின் மூலம் தமிழில் அறிமுகமானார்.
முன்னணி நடிகர்களுடன்
முதல் படத்தின் வெற்றியைத் தொடர்ந்து, பூச்சூடவா, விஐபி, நேருக்குநேர், நட்புக்காக, துள்ளாத மனமும் துள்ளும் போன்ற திரைப்படங்களில் நடித்து முன்னணி நடிகை என பெயர் எடுத்தார். கதைக்கு முக்கியத்துவம் கொடுக்கும் கதாபாத்திரங்கள் என்றாலும் சரி, கவர்ச்சி கதாபாத்திரங்கள் என்றாலும் சரி எல்லா கதாபாத்திரங்களிலும் மிரட்டுவார் சிம்ரன். அப்போதைய லேடி சூப்பர் ஸ்டார் சிம்ரன் தான்.
இடையழகி சிம்ரன்
செவ்வியல் நடனம் முதல் குத்தாட்டம் வரை அனைத்து வகையான நடனங்களிலும் பட்டையைக் கிளப்பி விடுவார் சிம்ரன். இவற்றுக்கிடையே இடுப்பை வளைத்தும் ஆடுதல், அரிய நடன அசைவுகளை அனாயாசமாகச் செய்துகாட்டுதல் ஆகியவை அவரது தனி ஸ்டைல். தொட்டுத் தொட்டுப் பேசும் சுல்தானா, ஆல்தோட்ட பூபதி நானடா பாடல்கள் மூலம் அசாத்திய நடனத்தால் ரசிகர்களை சிம்ரன் கட்டிப்போட்டார்.
திருமணம்
சினிமாவில் பிஸியாக நடித்துக்கொண்டிருந்த போதே, தனது சிறு வயது நண்பரான தீபக்கை திருமணம் செய்து கொண்டார். இந்த தம்பதிக்கு அதீப் ஓடோ, அதிதீ வீர் என்ற இரண்டு மகன்கள் இருக்கிறார்கள். திருமணத்திற்கு பிறகு திரைப்படங்களில் நடிக்காமல் இருந்த சிம்ரன் அவ்வப்போது ஓரிரு படங்களில் நடித்து வருகிறார்.
இன்று பிறந்த நாள்
சமீபத்தில் ஓடிடியில் வெளியான மகான் திரைப்படத்தில் விக்ரமின் மனைவியாக சிம்ரன் நடித்திருந்தார். நடிகை சிம்ரனின் பிறந்த நாளான இன்று அவருக்கு இன்னும் நிறைய நல்ல கதாபாத்திரங்கள் அமைய வேண்டும். ரசிகர்கள் மனதில் அவர் எப்போதும் நீங்கா இடம்பிடித்திருக்க வேண்டும் என்று வாழ்த்துவோம்.